2،5 مىڭ تەڭگەنىڭ ءتاريفى 6،5 مىڭعا دەيىن قىمباتتاپ كەتكەن.
شىمكەنتتە 147 جەردە ۇيالى بايلانىس ناشارلاپ كەتكەندىكتەن، وپەراتورلارىنا وتكەن 7 ايدا 44 ميلليون تەڭگە ايىپپۇل سالىندى، دەپ حابارلايدى aqshamnews.kz OTYRAR-عا سىلتەمە جاساپ.
"ەڭ كوپ ايىپپۇل Kcell-گە سالىندى – 22 ملن تەڭگە. Beeline مەن Tele2 ءارقايسىسىنا 11 ميلليون تەڭگەدەن ايىپپۇل سالىندى"، - دەيدى سيفرلاندىرۋ باسقارماسىنىڭ باسشىسى مۇحيت كەمەلوۆ.
ال قالا تۇرعىندارىنىڭ ايتۋىنشا كەيىنگى ءبىر جىلدا تاريف قۇنى بىرنەشە ەسەگە وسكەن.
"2،5 مىڭتەڭگە بولعان تاريف ءقازىر 6،5 مىڭ تۇرادى". "دۇرىس جۇمىس ىستەمەيدى، ينتەرنەتكە كىرۋ قيىن"، "بايلانىس ناشار. بۇرىن 2900 تەڭگە تولەيتىنبىز، ءقازىر 5900 تەڭگە تولەپ جاتىرمىز"،-دەيدى شىمكەنتتىكتەر.
وتكەن جىلى الدىن الا ەسكەرتۋسىز بايلانىس قۇنىن كوتەرگەن. ماماندار ازاماتتاردىڭ ارىز-شاعىمى نەگىزىندە وپەراتورلارعا ەسكەرتۋ بەرىلگەنىن ايتادى.
"وپەراتورلار ءبىر اي بۇرىن ەسكەرتۋى كەرەك. وسىدان كەيىن باعانى كوتەرە الادى. قۇزىرلى ۆەدومستۆو بىلتىرعى جاعداي بويىنشا جۇمىس ىستەپ جاتىر. تاريف قۇنى كەلىسىمشارت تالاپتارىنا ساي بولۋى كەرەك"،-دەپ ءتۇسىندىردى مۇحيت كەمەلوۆ.
ايتا كەتەرى، بيىل شىمكەنتتە 20 ەلدى مەكەنگە تالشىقتى-وپتيكالىق جەلى تارتۋ جوسپارلانىپ وتىر. ناتيجەسىندە 210 مىڭ تۇرعىن ساپالى ينتەرنەتپەن قامتاماسىز ەتىلەدى.