بوكستان قازاقستان ەرلەر قۇراماسىنىڭ جاڭا باس باپكەرى كۇتپەگەن مالىمدەمە جاسادى.
قازاقستان بوكس فەدەراسياسىنىڭ باسپا ءسوز قىزمەتى جاڭادان تاعايىندالعان ەرلەر قۇراماسىنىڭ باس باپكەرى قايرات ءساتجانوۆتىڭ جۇمىس جوسپارىنا قاتىستى مالىمدەمەسىن جاريالادى، دەپ حابارلايدى aqshamnews.kz
«مەملەكەت جانە قازاقستان بوكس فەدەراسيا باسشىلىعى جاعىنان سەنىم ءبىلدىرىپ جاتقانىنا العىسىمدى ايتامىن. بۇل تۇرعىدا بىزگە ۇلكەن جاۋاپكەرشىلىك جۇكتەلىپ وتىر. قازىرگى كەزدە قازاقستان بوكسىندا ءبىرقاتار پروبلەما بار. ول پروبلەمالاردى پاريج وليمپياداسىندا كوردىك. ەڭ بىرىنشىدەن، جاتتىعۋ جوسپارلارىنىڭ دۇرىس قۇرىلماۋى مەن كوماندالارمەن بىرلەسكەن وقۋ-جاتتىعۋ جيىندارىنىڭ وتپەۋى سەبەبىنەن»، - دەدى باس باپكەر.
ونىڭ سوزىنشە، العا اۋقىمدى جوسپار قويىلىپ وتىر. بىرىنشىدەن، جاسوسپىرىمدەر، جاستار كوماندالارىنا بىردەي كوڭىل ءبولۋ، سونداي-اق قازاقستانداعى ىرىكتەۋ جارىستارىنىڭ ءادىل وتۋىنە ەكپىن قويىلماق.
«جاتتىعۋ جيىندارىنىڭ بارلىعىن ءبىر جۇيەگە كەلتىرۋ جوسپارلانعان. كوماندا جۇمىسىن جاقسارتۋ باعىتىندا شەتەلدەن مامانداردى شاقىرتۋدى ويلاستىرىپ وتىرمىز. قازاقستان ۇلتتىق قۇراما كومانداسىنىڭ باس باپكەرى بولۋ جولىندا ەلگە قىزمەتۋگە، ەل سەنىمىن اقتاۋعا بارىمدى سالامىن»، - دەدى ول.