رەجيسسەر دارەجان ومىربايەۆتىڭ «اقىن» كينوكارتيناسى توكيو حالىقارالىق كينوفەستيۆالىندە «ۇزدىك رەجيسسەر» نوميناسياسىنا يە بولدى
فيلم تەحنولوگيا دامىعان عاسىردا تۇسىنىكسىز جانە وزەكتى بولماي قالۋدان قورقاتىن اقىننىڭ تاعدىرى تۋرالى باياندايدى. سەناريي نەمىس جازۋشىسى گەرمان گەسسەنىڭ «اۆتورلىق كەش» اڭگىمەسىنىڭ نەگىزىندە جازىلعان، دەپ حابارلايدى Almaty-akshamy.kz Qazaqtv.com-عا سىلتەمە جاساپ.
2019 جىلى بۇل جوبا ۇلتتىق كينونى قولداۋ مەملەكەتتىك ورتالىعى ۇيىمداستىرعان كونكۋرستىڭ جەڭىمپازى اتانعان ەدى.
كارتينانىڭ ءتۇسىرىلىمى الماتى قالاسى مەن وبلىسىندا جانە اتىراۋ قالاسىندا ماحامبەت وتەمىس ۇلى كەسەنەسىنىڭ جانىندا ءوتتى.
توكيو حالىقارالىق كينوفەستيۆالى قۇرامىنا حالىقارالىق كينوپروديۋسەرلەر قاۋىمداستىقتارى فەدەراسياسى اككرەديتتەگەن الەمنىڭ 15 جەتەكشى كينوفەستيۆالدەرى كىرەتىن بەدەلدى شارا ەكەنىن اتاپ وتكەن ءجون.