ەلورداداعى ەڭ بيىك عيمارات Abu Dhabi Plaza قۇرىلىسى قاشان اياقتالادى
Abu Dhabi Plaza قۇرىلىسى جىل اياعىنا دەيىن اياقتالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
نۇر-سۇلتان قالاسى ينۆەستيسيالار جانە كاسىپكەرلىكتى دامىتۋ باسقارماسى وسىنداي مالىمەت تاراتقان. «نۇر-سۇلتان قالاسى ينۆەستيسيالار جانە كاسىپكەرلىكتى دامىتۋ باسقارماسى «Abu Dhabi Plaza» نىسانىندا ءقازىر قۇرىلىس-مونتاجداۋ جۇمىسى كەستەگە سايكەس جۇرگىزىلىپ جاتقانىن حابارلايدى. ورىندالعان جۇمىستىڭ جالپى كولەمى – 97%-دان اسادى.
2021 جىلدىڭ سوڭىنا دەيىن سىرتقى جۇمىستاردى (قاسبەت جانە كونسترۋكسيا) تولىعىمەن اياقتاۋ جوسپارلانىپ وتىر. ايتا كەتۋ كەرەك، عيمارات ىشىندە ارلەۋ جۇمىستارى ارى قاراي دا جالعاسا بەرەدى»، - دەلىنگەن نۇر-سۇلتان قالاسى اكىمدىگىنىڭ باسپا ءسوز قىزمەتى ۇسىنعان اقپاراتتا. ەسكە سالساق، «Abu Dhabi Plaza» - ورتا ازياداعى مۇنارا تيپىندەگى ەڭ ءىرى كەشەن. ول اۋماعى 500 مىڭ شارشى مەتردەن اساتىن بەس عيماراتتان قۇرالعان.