جىل باسىنان بەرى رف كولىكتەرىنىڭ جۇرگىزۋشىلەرى جاساعان 59 364 قۇقىق بۇزۋشىلىق تىركەلگەن
الماتىدا جىل باسىنان بەرى رف ءنومىرى بار كولىك جۇرگىزۋشىلەرى جاساعان 60 مىڭعا جۋىق بۇزۋشىلىق تىركەلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى قالالىق پد قالادا جىل باسىنان بەرى رف كولىكتەرىنىڭ جۇرگىزۋشىلەرى جاساعان 59 364 قۇقىق بۇزۋشىلىق تىركەلگەنىن حابارلادى. ايىپپۇل 21،3 ميلليون تەڭگەدەن استام سومانى قۇرادى.
«ايتا كەتۋ كەرەك، جول قوزعالىسىنا قاتىسۋشىلاردىڭ وسى ساناتىنداعى كولىك جۇرگىزۋ ءتارتىبى ناشار. شەت مەملەكەتتەردىڭ نومىرلەرى “جول قوزعالىسى قاۋىپسىزدىگى” جانە “سەرگەك” اۆتوماتتاندىرىلعان اقپاراتتىق جۇيەلەرى ارقىلى تانىلمايدى دەپ جاڭىلىسىپ، ولاردىڭ جۇرگىزۋشىلەرى بارلىق جەردە جول قوزعالىسى ەرەجەلەرىن بۇزادى: جىلدامدىقتى شەكتەن تىس اسىرادى، باعدارشامنىڭ تىيىم سالىنعان بەلگىسىنە قاراماي، قيىلىستاردى كەسىپ وتەدى، قارسى كەلە جاتقان جولاققا وتەدى، جول بەلگىلەرى مەن تاڭبالاۋ تالاپتارىن ساقتامايدى جانە ت.ب. مۇنداي مادەنيەتسىزدىك كوبىنەسە اپاتتار مەن قايعىلى زارداپتارعا اكەلەدى. ءتۇرلى قۋلىققا بارۋ ارقىلى جاۋاپكەرشىلىكتەن جالتارۋ ارەكەتتەرى ءساتتى اياقتالمايتىنىن جانە ناتيجەسىز بولاتىنىن رەسمي تۇردە مالىمدەيمىز. زاڭ – بارىنە بىردەي. جول قوزعالىسى ەرەجەلەرى قاتاڭ ساقتالۋى ءتيىس»، – دەدى الماتى قالالىق پد باستىعىنىڭ ءبىرىنشى ورىنباسارى نۇرلان الماسبەكوۆ.
الماتى جولدارىندا شەتەلدە تىركەلگەن كولىكتەردىڭ قاتىسۋىمەن 50-دەن استام اۋىر جول اپاتى ورىن العان. سالدارىنان ءبىر ادام قازا تاۋىپ، تاعى 59 ادام جاراقات الدى.
«ەستەرىڭىزگە سالا كەتەيىن، ناۋرىزباي اۋدانىندا ادام ولىمىنە اكەپ سوققان جول-كولىك وقيعاسى بولدى. رف تىركەلگەن ۆاز اۆتوكولىگىنىڭ جۇرگىزۋشىسى، 2001 جىلى تۋعان و.ەسىمدى ازامات كارەرنايا كوشەسىمەن سولتۇستىك باعىتتا كەلە جاتىپ، قاراما-قارسى باعىتتاعى جولاققا شىعىپ، كاماز كولىگىمەن سوقتىعىستى. وسى وقيعا سالدارىنان ۆاز جۇرگىزۋشىسى وقيعا ورنىندا قازا تاپتى. بوستاندىق اۋدانىندا اۋىر زارداپتارعا اكەلگەن تاعى ءبىر جول-كولىك وقيعاسى ورىن الدى. ءنومىرى رەسەيدە تىركەلگەن Infiniti جۇرگىزۋشىسى ءال-فارابي داڭعىلىمەن كەلە جاتىپ، ءرولدى باسقارا الماي قالدى جانە بوگەتكە سوقتىعىستى. وسى جول-كولىك وقيعاسى سالدارىنان جاس جولاۋشى-ايەل اۋىر جاراقات الدى. جۇرگىزۋشى قىلمىستىق جاۋاپكەرشىلىككە تارتىلدى»، – دەپ تۇيىندەدى الماسبەكوۆ.