«Black Canvas» حالىقارالىق زاماناۋي كينەماتوگرافيا كينوفەستيۆالى
مەكسيكا استاناسىندا قازاقستاندىق «اقىن» ءفيلمىنىڭ كورسەتىلىمى ءوتتى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
بۇل جۇمىس بيىلعى جىلدىڭ 30 قىركۇيەگى مەن 9 قازانى ارالىعىندا مەحيكو قالاسىندا وتكەن «Black Canvas» حالىقارالىق زاماناۋي كينەماتوگرافيا كينوفەستيۆالىنىڭ «كورنەكتى اۆتورلار» سەگمەنتىندە ۇسىنىلدى.
ءفيلمنىڭ كورسەتىلىمى الدىندا ونىڭ رەجيسسەرى دارەجان ومىربايەۆتىڭ مەكسيكالىق كينوسۇيەر قاۋىمعا ۇندەۋىن قازاقستاننىڭ مەكسيكاداعى ۋاقىتشا سەنىمدى وكىلى ولجاس يسابەكوۆ جەتكىزدى. دارەجان ومىربايەۆ ۇيىمداستىرۋشىلارعا العىسىن ءبىلدىرىپ، ونىڭ ءفيلمى وسى شالعاي ەلدە ءوز كورەرمەنىن تابادى دەگەن سەنىم ءبىلدىردى. ال ونىڭ ايتقانى دۇرىس بولىپ شىقتى: قازاق ءفيلمى ءساتتى شىعىپ، كينوفەستيۆالدە ەكى مارتە كورسەتىلدى.
«اقىن» يسپان تىلىندەگى سۋبتيترمەن ءتۇپنۇسقا داۋىستا كورسەتىلدى. كينوفەستيۆال ۇيىمداستىرۋشىلارىنىڭ ءوتىنىشى بويىنشا قازاقستاننىڭ مەحيكوداعى ەلشىلىگى مەن گۆادالاحاراداعى ەلىمىزدىڭ قۇرمەتتى كونسۋلى حورحە گونسالەس سۋبتيترلەردى شىعارۋعا جاردەمدەستى.
بيىل «Black Canvas» كينوفەستيۆالىندە بارلىعى 125-تەن استام فيلم ۇسىنىلدى، ونىڭ 59-ى شەتەلدىك. كوپتەگەن فيلمدەر ءارتۇرلى ۋاقىتتا باسقا ءىرى كينوفەستيۆالدەردە – ۆەنەسيادا، تورونتودا، كانندا جانە ت.ب. كورسەتىلدى.
«اقىن» بۇعان دەيىن جاپونيادا، برازيليادا جانە «Berlinale» فەستيۆالىندە جوعارى باعا العانى ءمالىم.
ايتا كەتەيىك، «اقىن» ءفيلمىن ش.ايمانوۆ اتىنداعى «قازاقفيلم» اق مادەنيەت جانە سپورت مينيسترلىگى تاپسىرىسى بويىنشا «ۇلتتىق كينونى قولداۋ مەملەكەتتىك ورتالىعى» قولداۋىمەن تۇسىرگەن.