ساۋدا جانە ينتەگراسيا ءبىرىنشى ۆيسە-مينيسترى تاعايىندالدى

ۇكىمەتتىڭ قاۋلىسىمەن شاققالييەۆ ارمان اباي ۇلى قازاقستان رەسپۋبليكاسىنىڭ ساۋدا جانە ينتەگراسيا ءبىرىنشى ۆيسە-مينيسترى قىزمەتىنە تاعايىندالدى. بۇل تۋرالى پرەمەر-مينيستردىڭ باسپا ءسوز قىزمەتى مالىمدەدى، دەپ حابارلايدى Almaty-akshamy.kz.
ارمان شاققالييەۆ 1977 جىلى قاراعاندى وبلىسىنىڭ بالقاش قالاسىندا دۇنيەگە كەلگەن.
ل.گۋميليەۆ اتىنداعى ەۋرازيا ۋنيۆەرسيتەتىن، ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، م.دۋلاتوۆ اتىنداعى قوستاناي ينجەنەرلىك-ەكونوميكالىق ۋنيۆەرسيتەتىن بىتىرگەن.
ەڭبەك جولىن استانا قالاسى جانە اقمولا وبلىسى بويىنشا «كاسىپورىنداردى قايتا ۇيىمداستىرۋ جانە تاراتۋ اگەنتتىگى» ااق زاڭ كەڭەسشىسى بولىپ باستاعان.
2001-2002 جىلدارى – مەملەكەتتىك ماتەريالدىق رەزەرۆتەر جونىندەگى اگەنتتىكتىڭ باس مامانى، ءبولىم باستىعى.
2002-2004 جىلدارى – مەملەكەتتىك كىرىس مينيسترلىگى دارمەنسىز بورىشكەرلەرمەن جۇمىس جونىندەگى كوميتەتتىڭ دارمەنسىز كاسىپورىنداردى تالداۋ جانە مونيتورينگىلەۋ باسقارماسىنىڭ باسشىسى.
2004-2006 جىلدارى – «قازاقستان مەترولوگيا ينستيتۋتى» رمك ديرەكتورى.
2006-2007 جىلدارى – دارمەنسىز بورىشكەرلەرمەن جۇمىس جونىندەگى كوميتەت ءتوراعاسىنىڭ ورىنباسارى.
2007-2008 جىلدارى قارجى، ەكونوميكا جانە بيۋدجەتتىك جوسپارلاۋ مينيسترلىكتەرىنىڭ، «قازاگرو» حولدينگى قۇرىلىمدارىندا باسشىلىق لاۋازىمداردا جۇمىس ىستەدى.
2008-2016 جىلدارى — «قازاقستان ستاندارتتاۋ جانە مەترولوگيا ينستيتۋتى» رەسپۋبليكالىق مەملەكەتتىك كاسىپورنىنىڭ ديرەكتورى.
2016-2018 جىلدارى – ەۋرازيالىق ەكونوميكالىق كوميسسيانىڭ تەحنيكالىق رەتتەۋ جانە اككرەديتتەۋ دەپارتامەنتىنىڭ ديرەكتورى.
2018-2019 جىلدارى – ينۆەستيسيالار جانە دامۋ مينيسترلىگىنىڭ تەحنيكالىق رەتتەۋ جانە مەترولوگيا كوميتەتىنىڭ ءتوراعاسى.
2019-2020 جىلدارى ساۋدا جانە ينتەگراسيا مينيسترلىگى تەحنيكالىق رەتتەۋ جانە مەترولوگيا كوميتەتىنىڭ ءتوراعاسى قىزمەتىن اتقاردى.
2020 جىلدىڭ قاراشا ايىنان باستاپ قازىرگى ۋاقىتقا دەيىن ماسكەۋ قالاسى ەۋرازيالىق ەكونوميكالىق كوميسسيانىڭ باسەكەلەستىك جانە مونوپولياعا قارسى رەتتەۋ جونىندەگى القا مۇشەسى (مينيستر) بولدى.
بۇرىن وسى لاۋازىمدى اتقارعان باتتاقوۆ ەرلان ەركىن ۇلى باسقا جۇمىسقا اۋىسۋىنا بايلانىستى قىزمەتتەن بوساتىلدى.