بۇگىن ق ر ورتالىق سايلاۋ كوميسسياسىندا نۇرجان التايەۆ مەملەكەتتىك ءتىلدى ءبىلۋى دەڭگەيى بويىنشا ەمتيحان تاپسىردى، دەپ حابارلايدى Almaty-akshamy.kz.
«بۇگىن پرەزيدەنتتىككە كانديدات نۇرجان باۋىرجان ۇلى التايەۆ مەملەكەتتىك تىلدەن ەمتيحان تاپسىردى. نۇرجان باۋىرجان ۇلى ءبىرىنشى، جازبا تاپسىرمادى «ءبىرتۇتاس الاش يدەياسى» تاقىرىبىن تاڭدادى. ەكىنشى اۋىزشا، ياعني وقۋ تاپسىرماسىندا ءىلياس ەسەنبەرليننىڭ «كوشپەندىلەر» رومانىنان ءۇزىندىنى تاڭدادى. ال ءۇشىنشى جۇرت الدىندا سويلەۋگە «بابالار اماناتى» تاقىرىبىن تاڭدادى. بارلىق تاپسىرمالار بويىنشا نۇرجان باۋىرجان ۇلى التايەۆ مەملەكەتتىك ءتىلدى ەركىن مەڭگەرگەنىن دالەلدەدى»، - دەدى لينگۆيستيكالىق كوميسسيانىڭ مۇشەسى ديحان قامزابەك ۇلى.
ەسكە سالا كەتەيىك، ق ر پرەزيدەنتتىگىنە ۇمىتكەر نۇرجان التايەۆ 7 قازاندا ورتالىق سايلاۋ كوميسسياسىنا قۇجاتتارىن تاپسىرعان بولاتىن.