اقىلى جولدار ءتاريفى قىمباتتايدى ما؟

«ءيا، بيىل نەگىزگى ترانزيتتىك دالىزدەر اياقتالادى. ونىڭ ۇزىندىعى - 2 091 شاقىرىم. سوندىقتان دا ەڭ بىرىنشىدەن، تاعى 1 800 شاقىرىم جاڭا ۋچاسكەدە اقى الۋ جۇيەسى ەنگىزىلەدى. ەكىنشى – ءتاريفتى ارتتىرۋ جاعىنا قاراي قاراۋ. ءيا، ءسوزسىز قاراستىراتىن بولامىز. نەلىكتەن ەكەنىن تۇسىندىرەيىن. سەبەبى، 2013 جىلدان بەرى تاريف 11 جىل بويى وزگەرگەن جوق. وتكەن جىلى 20 پايىزعا قىمباتتادى. ءبىزدىڭ ءتاريفتى كورشى ەلمەن سالىستىرساڭىزدار، قازاقستاندا - 1 تەڭگە 20 تيىن بولسا، رەسەيدە - 7 تەڭگە. سىزدەر سالىق تولەۋشىلەردىڭ ەمەس، «قازاۆتوجولدىڭ» بيۋدجەتى ەسەبىنەن بولعانىن قالايسىزدار عوي. وندا ءبىر عانا جولى بار، ول – اقىلى جولدار ءتاريفىن كوتەرۋ»، - دەدى مينيستر سەناتتىڭ جالپى وتىرىسىنان كەيىن ب ا ق وكىلدەرىنىڭ ساۋالىنا وراي.

دەگەنمەن، ول اقىلى جولدار ءتاريفى كۇرت قىمباتتامايتىندىعىن باسا ايتتى. 

«سىزدەرگە شەگىنىڭ بىردەن ەسەلەنبەيتىندىگىن ايتتىم عوي. جەكەلەگەن ادامدار 2-3 ەسە كوتەرەيىك دەيدى. مەن بىردەن 2-3 ەسە بولمايتىندىعىن ايتتىم. دەگەنمەن، پايىزبەن بولادى. ماماندارىمىز جولدى كۇتىپ ۇستاۋ، قوسىمشا 1 100 تەحنيكا ساتىپ الۋ ءۇشىن قانشا قاراجات كەرەكتىگىن ەسەپتەيدى. ارينە، مۇنىڭ ءبارىن بىردەن اقى الۋعا قوسپايمىز»، - دەدى ول. 

سونىمەن قاتار مينيستر اقىلى جولدار ءتاريفى قاشاننان باستاپ كوتەرىلۋى مۇمكىن ەكەندىگىن ايتتى. 

«بۇل ماسەلە زاڭعا سايكەس 14 كۇن تالقىلاۋعا شىعارىلاتىن نقا پورتالىنا ورنالاستىرىلادى. قوعاممەن تالقىلايمىز. تالقىلاۋدى ناۋرىزدا باستاۋدى جوسپارلاپ وتىرمىز»، - دەدى مارات قارابايەۆ.