اقتوبە وبلىسى قارعالى اۋدانىندا قوقىس پوليگونىنان پاكەتكە سالىنعان شاقالاق تابىلدى، دەپ حابارلايدى Almaty-akshamy.kz Inform.kz-كە سىلتەمە جاساپ.
وقيعا 23 قازان كۇنى تىركەلگەن. وبلىستىق پد باسپا ءسوز قىزمەتىنىڭ حابارلاۋىنشا، قارعالى اۋدانى پوليسياسىنىڭ كەزەكشى بولىمىنە قارعالى اۋدانى بادامشا اۋىلى ماڭىنداعى «روجدەستۆو-دوڭ» تاس جولىنىڭ بويىندا ورنالاسقان قوقىس پوليگونىنان قارا پوليەتيلەن پاكەتتە شاقالاقتىڭ دەنەسى تابىلعانى انىقتالدى.
«وقيعا ورنىنا جەدەل-تەرگەۋ توبى جىبەرىلدى. اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 100-بابى، ياعني «اناسى جاڭا تۋعان نارەستەنى ءولتىرۋ» بويىنشا سوتقا دەيىنگى تەرگەۋ امالدارى باستالىپ، بالانىڭ اناسىن انىقتاۋ بويىنشا جەدەل ءىس-شارالار جۇرگىزىلىپ جاتىر»، - دەپ حابارلادى وبلىستىق پد باسپا ءسوز قىزمەتى.