اقتوبەدە جاسوسپىرىمدەر اراسىنداعى توبەلەس كەزىندە كوزىنەن اۋىر جاراقات العان تامەرلان مىرزابايدىڭ تۋىستارى تەرگەۋدى قايتا جۇرگىزۋدى تالاپ ەتىپ وتىر، دەپ حابارلايدى اqshamnews.kz ءتىلشىسى "سەدموي كانالعا" سىلتەمە جاساپ.
تۇندە بولعان جانجال بەينەباقىلاۋ كامەراسىنا ءتۇسىپ قالعان. كادرلاردا تامەرلاننىڭ قۇرداستارىنان قورعانىپ جاتقان ءساتى كورىنەدى. ءبىر مەزەتتە ونىڭ بەتىنە قاتتى سوققى ءتيىپ، كوزىلدىرىگى شاعىلىپ كەتەدى. شىنى سىنىعى كوز جانارىنا كىرىپ كەتكەن.
تامەرلان بۇرىن دجيۋ-دجيتسۋمەن اينالىسقان سپورتشى بولعان. الايدا جاراقاتتان كەيىن ول جارىستارعا قاتىسپاق تۇگىلى، كۇن ساۋلەسىنە تۋرا قاراي الماي قالعان.
تۋىستارىنىڭ ايتۋىنشا، ول دەنساۋلىعىنا بايلانىستى ساباقتان دا قول ءۇزىپ وتىر. الدا ونى ۇزاق وڭالتۋ كەزەڭى مەن وتا كۇتىپ تۇر.
باستاپقىدا ءىس ەكى باپ بويىنشا"بۇزاقىلىق" جانە "ورتاشا اۋىرلىقتاعى دەنە جاراقاتىن كەلتىرۋ" تەرگەلگەن. الايدا كەيىن پوليسيا "بۇزاقىلىق" بابىن جاۋىپ تاستاعان. جابىرلەنۋشىنىڭ جاقىندارى ەندى ءىستىڭ ەكىنشى بولىگى دە جەڭىل باپقا اۋىسىپ كەتپەي مە دەپ الاڭداۋلى ەكەنىن ايتتى.