ايەلدىڭ دەنەسىنەن پىشاق جاراقاتى انىقتالعان.
اقتوبەدە 23 اقپان كۇنى ءجۇمىسقا شىعىپ، ءىز-تۇزسىز كەتكەن ايەلدىڭ دەنەسى تابىلدى. ودان پىشاق جاراقاتى انىقتالعان، دەپ حابارلايدى اlmaty-akshamy.kz قازاقپاراتقا سىلتەمە جاساپ.
بۇعان دەيىن پوليسيا مەن ەرىكتىلەر 1976 جىلى تۋعان جاننا مۇراتقالييەۆاعا ىزدەۋ جاريالاعان بولاتىن. ول 23 اقپان كۇنى ۇيىنەن جۇمىسقا شىعىپ، حابارسىز كەتكەن. ال بۇگىن پوليسيا دەپارتامەنتىنەن جوعالعان ايەلدىڭ دەنەسى تابىلعانىن حابارلادى.
«اقتوبە وبلىسىندا 47 جاستاعى ايەل جۇمىسقا كەتىپ، ورالماعان. پوليسيا قىزمەتكەرلەرى 25 اقپاندا جەدەل تەرگەۋ ءىس-شارالارى كەزىندە 29 جاستاعى كۇدىكتىنى انىقتاپ، ۇستادى. ونىڭ اۆتوكولىگىنەن پىشاق جاراقاتى تۇرىندە زورلىقپەن ءولتىرۋ بەلگىلەرى بار جوعالعان ايەلدىڭ ءمايىتى تابىلدى. وسى دەرەك بويىنشا ق ر قك 99-بابى «كىسى ءولتىرۋ» بويىنشا سوتقا دەيىنگى تەرگەۋ باستالدى. قىلمىستىڭ ءمان-جايى انىقتالىپ جاتىر. كۇدىكتى قاماۋعا الىندى»، - دەپ حابارلادى وبلىستىق پد باسپا ءسوز قىزمەتىنىڭ جەتەكشىسى ەربولات سارقۇلوۆ.