الماتىدا رەسپۋبليكالىق «قالقان» سپارتاكياداسىنىڭ جەڭىمپازدارى ماراپاتتالدى

17 كوماندا بىرنەشە كۇن بويى كۇش، جىلدامدىق جانە ەپتىلىك بويىنشا سىنعا ءتۇستى.

وفيسەرلەر ۇيىندە «قالقان» سپورتتىق ءتۋرنيرىنىڭ ۇزدىك قاتىسۋشىلارىن ماراپاتتاۋ ءراسىمى ءوتتى، دەپ حابارلايدى اlmaty-akshamy.kz

رەسپۋبليكالىق سپارتاكيادا اياسىندا الماتىدا بىرنەشە كۇن بويى جارىس ءوتتى. الماتىعا ءار وڭىردەن جينالعان 17 كوماندا كۇش، جىلدامدىق جانە ەپتىلىك بويىنشا سىنعا ءتۇستى. «جاس سارباز» قوزعالىسىنىڭ جاس تاربيەلەنۋشىلەرى پنيەۆماتيكالىق مىلتىقتان كىم جاقسى اتاتىنىن، شاڭعىنى جىلدام تەپكەنىن نەمەسە ءۇش شاقىرىمعا جۇگىرە الاتىنىن انىقتادى. سونىمەن قاتار، جىگىتتەر شتانگاعا تارتىلۋ بويىنشا جارىسسا، بويجەتكەندەر جاتتىعۋ جاسادى. 

ناتيجەسىندە بايقاۋدىڭ ءار نوميناسياسى بويىنشا جەڭىمپازدار انىقتالدى.

«جاستاردى پاتريوتتىققا تاربيەلەۋدە «قالقان» رەسپۋبليكالىق قىسقى سپارتاكياداسىنىڭ ماڭىزى زور. ۇلدار مەن قىزدار ءۇشىن بۇل ءوزىن كورسەتۋدىڭ تاماشا مۇمكىندىگى. ءسىز وسى مىقتى، ماقساتتى جىگىتتەرگە قاراپ، قازاقستاننىڭ بولاشاعى سەنىمدى قولداردا ەكەنىن تۇسىنەسىز»، - دەدى ماراپاتتاۋ راسىمىندە اەرو-دەسانتتىق-شابۋىلداۋشى اسكەرلەر قولباسشىسىنىڭ ورىنباسارى رادجان جانىسوۆ.

جارىس كەستەسىنىڭ تىعىزدىعىنا قاراماستان جاس سپورتشىلار مادەني-ساۋىق باعدارلاماسىنا ۋاقىت تاپتى. «مەدەۋ» سپورت كەشەنىن ارالاپ، 842 باسپالداقتى ەڭسەرىپ، بوگەتكە ساۋىقتىرۋ ساتىسىمەن كوتەرىلدى. سونداي-اق، «جاس سارباز» قوزعالىسىنىڭ مۇشەلەرى دەلفينارييدە بولىپ، پاتريوتتىق ءفيلمدى تاماشالادى.