بارلىق جۇلدەنى «سكيت» جاتتىعۋىندا – دوڭگەلەك ستەندتە اتۋدان جەڭىپ الدى.
كۋۆەيتتە ءوتىپ جاتقان ستەندتىك اتۋدان ازيا كۋبوگىندە قازاقستاندىق سپورتشىلار 5 مەدال جەڭىپ الدى. بۇل تۋرالى مادەنيەت جانە سپورت ءمينيسترى اسحات ورالوۆ الەۋمەتتىك جەلىدەگى پاراقشاسىندا جازدى، دەپ حابارلايدى اlmaty-akshamy.kz
«كۋۆەيتتە ءوتىپ جاتقان ستەندتىك اتۋدان ازيا كۋبوگىندە ءبىزدىڭ سپورتشىلار 5 مەدال جەڭىپ الدى: 2 التىن، 1 كۇمىس جانە 2 قولا. بارلىق جۇلدەنى «سكيت» جاتتىعۋىندا – دوڭگەلەك ستەندتە اتۋدان جەڭىپ الدى»، - دەپ جازدى مينيستر.
شىمكەنت قالاسىنىڭ مەرگەنى ولگا پانارينا جەكەلەي جانە اسەم ورىنباي، زويا كراۆچەنكو سىندى سپورتشىلاردان جاساقتالعان قۇراما كوماندالىق جارىستا التىن الدى.
ەدۋارد ەششەنكو، يۋنۋس ماچجون جانە ارتەم سەدەلنيكوۆ باستاعان ەرلەر قۇراماسى كۇمىس جۇلدەگە يە بولدى. بۇل جولى اسەم ورىنباي مەن ەدۋارد ەششەنكو قولا جۇلدەگە قول جەتكىزدى.
«قازاقستان سپورتشىلارىنىڭ سوڭعى جەتىستىكتەرى (مىسالى، الەم كۋبوگىنىڭ جالپى مەدالدىق ەسەبىندە ءبىرىنشى ورىن) كەزدەيسوقتىق ەمەس ەكەنىن تاعى دا كورسەتەدى. بۇل – پاريج وليمپياداسى قارساڭىنداعى ءسوزسىز زور قۋانىش»، - دەدى اسحات ورالوۆ.
سونداي اق، مينيستر ءوتىپ جاتقان تۋرنير بارىسىندا ءبىزدىڭ مەرگەندەر جەڭىس تۇعىرىنا تاعى بىرنەشە رەت كوتەرىلەتىنىنە سەنىم ءبىلدىردى.