يراندا نارازىلىق شەرۋىنە قاتىسقان تاعى ءبىر ازامات دارعا اسىلدى

يرانعا قارسى سانكسيالاردى كۇشەيتۋى مۇمكىن

يراندا ءبىر اپتادان از ۋاقىت ىشىندە ءۇش ايعا جۋىق ۋاقىت بويى ەلدى ءدۇر سىلكىندىرگەن نارازىلىقتاردىڭ ەكىنشى قاتىسۋشىسى ءولىم جازاسىنا كەسىلدى، دەپ حابارلايدى Almaty-akshamy.kz Aikyn.kz-كە سىلتەمە جاساپ.

مادجيد رەزا راحناۆارد سولتۇستىك مەشحەد قالاسىندا «قۇدايعا قارسى سوعىس جۇرگىزگەنى» ءۇشىن ءولىم جازاسىنا كەسىلگەننەن كەيىن كوپشىلىك الدىندا دارعا اسىلدى.

جاس جىگىتكە ەكى قاۋىپسىزدىك قىزمەتكەرىن ءولتىردى جانە تاعى ءتورت ادامدى جاراقاتتادى دەگەن ايىپ تاعىلدى، ول مويىندادى.

باسپا ءسوز سۇراقتارىنا جاۋاپ بەرە وتىرىپ، يران سىرتقى ىستەر مينيسترلىگىنىڭ وكىلى بولعان وقيعا ىشكى ءىس ەكەنىن ايتتى.

ونىڭ ايتۋىنشا، حالىقتىڭ دەمونستراسيالارعا تولىق قۇقىعى بار، ءبىراق بۇل نارازىلىق ءبىلدىرۋشى ەمەس، بۇلىكشى بولدى.

ءولىم جازاسى حالىقارالىق قوعامداستىقتىڭ سىنىنا الىپ كەلدى، ول ءوز كەزەگىندە يرانعا قارسى سانكسيالاردى كۇشەيتۋى مۇمكىن.

«مەن يراننىڭ سىرتقى ىستەر مينيسترىمەن ۇزاق سويلەستىم. ءبىز ءولىم جازاسى تۋرالى تىلدەستىك. مەن ەۋروپالىق وداقتىڭ بۇل ماسەلەگە قاتىستى الاڭداۋشىلىق ءبىلدىرىپ وتىرعانىن جانە مۇنى قۇپتامايتىنىن، سونداي-اق سانكسيالار تۋرالى حابارلادىم»، - دەدى ەۋروپالىق ديپلوماتيانىڭ باسشىسى دجوزەپ بوررەل.