قاراعاندى وبلىسىندا تابيعاتتى قورعاۋ پوليسياسى مەن "كاروحوترىبپروم" ج ش س بىرلەسكەن تۇنگى رەيد بارىسىندا ەكى ەر ادامدى زاڭسىز اڭشىلىق جاسادى دەگەن كۇدىكپەن ۇستادى، دەپ حابارلايدى Aqshamnews.kz ءتىلشىسى.
بۇل تۋرالى قازاقستان رەسپۋبليكاسى ىشكى ىستەر مينيسترلىگىنىڭ رەسمي ينتەرنەت-رەسۋرسى حابارلادى.
مالىمەتكە سايكەس، قاراعاندى قالاسىنىڭ 48 جانە 40 جاستاعى تۇرعىندارى تۇنگى ساعات ەكى شاماسىندا قولعا تۇسكەن. ولاردىڭ اڭشىلىققا رۇقسات بەرەتىن ليسەنزياسى بولعانىمەن، تىركەۋدەن وتپەگەنى انىقتالدى. مۇنداي تىركەۋ اڭ اۋلاۋ كۆوتاسىن باقىلاۋ جانە براكونەرلىكتىڭ الدىن الۋ ءۇشىن قاجەت.
وقيعا ورنىنان ەكى بىردەي كيىك تۋشاسى، ءبىر ۇڭعىلى مىلتىق جانە وق-دارىلەر تاركىلەندى.
اتالعان دەرەك بويىنشا قىلمىستىق ءىس قوزعالىپ، سوتقا دەيىنگى تەرگەۋ جۇرگىزىلىپ جاتىر.