اقتوبە وبلىسىندا قاتتى بوران مەن قالىڭ قاردىڭ سالدارىنان جولدا قالعان 68 شەتەل ازاماتى قۇتقارىلدى، دەپ حابارلايدى Aqshamnews.kz ءتىلشىسى.
وبلىس اكىمدىگىنىڭ مالىمەتىنشە، ايتەكە بي اۋدانى ماڭىنداعى تاسجولدا تەحنيكالىق اقاۋعا بايلانىستى جولاۋشىلار اۆتوبۋسى قار قۇرساۋىندا قالعان. اۆتوبۋستا 57 ادام، ونىڭ ىشىندە 3 بالا بولعان. قۇتقارۋشىلار ماسكەۋدەن تاجىكستان رەسپۋبليكاسىنا باعىت العان اۆتوبۋستاعى بارلىق جولاۋشىنى ءقاۋىپسىز جەرگە ەۆاكۋاسيالاعان. ولاردىڭ بارلىعى – تاجىكستان ازاماتتارى.
جولاۋشىلار ۋاقىتشا قارابۇتاق اۋىلى مەشىتىندەگى جىلىتۋ پۋنكتىنە ورنالاستىرىلدى. مەديسينالىق كومەككە مۇقتاجدىق بولماعان.
بۇل – وڭىردەگى جالعىز جاعداي ەمەس. سول كۇنى قارعالى اۋدانىندا «جوسالى – اشىلىساي» تاسجولىندا ەكى كولىك جولدا قالىپ، ىشىندە وزبەكستاننىڭ 11 ازاماتى بولعانى انىقتالدى. ولار تاشكەنتتەن ماسكەۋگە باعىت العان. كولىكتەر سۇيرەتىلىپ، جولاۋشىلار جوسالى اۋىلىنداعى بازاعا جەتكىزىلدى. ولارعا دا مەديسينالىق كومەك قاجەت بولمادى.
توتەنشە جاعدايلار مينيسترلىگى قولايسىز اۋا رايى كەزىندە الىس جولعا شىقپاۋعا جانە قوزعالىس شەكتەۋلەرى تۋرالى رەسمي اقپاراتتى قاداعالاپ وتىرۋعا شاقىردى.