سوڭعى رەت ولار 25 قاراشا كۇنى كەشكە بايلانىسقا شىققان
اقتوبە وبلىسىندا ءتورت گەولوگ جوعالىپ كەتتى. كەشە ىزدەۋ جۇمىستارى باستالىپ، ەۋروكوپتەر تىكۇشاعى ىسكە قوسىلدى، دەپ حابارلايدى Almaty-akshamy.kz تجد-عا سىلتەمە جاساپ.
تج دەپارتامەنتىندە حابارلاعانداي، 25 قاراشادا گەولوگتار قارابۇتاق كەنتى - تالدىق اۋىلى - قايىڭدى اۋىلى - قايراقتى اۋىلى باعىتى بويىنشا «ۋاز» اۆتوكولىگىمەن جولعا شىقتى. سوڭعى رەت ولار 25 قاراشا كۇنى كەشكە تالدىق اۋىلىنا جەتپەي بايلانىسقا شىققان.
«ايتەكە بي اۋدانىندا ءتورت گەولوگ ىزدەستىرىلۋدە، ولار 25 قاراشادا تاڭعى ساعات 10-دا قارابۇتاق كەنتى - تالدىق اۋىلى - قايىڭدى اۋىلى - قايراقتى اۋىلى باعىتى بويىنشا «ۋاز» اۆتوكولىگىمەن شىعىپ، بايلانىسقا شىقپادى»، - دەپ حابارلادى تجد باسپا ءسوز قىزمەتى.
بۇگىنگ 33 ادامنان قۇرالعان بەس ىزدەۋ توبى جانە سەگىز تەحنيكا ىزدەۋ جۇمىستارىنا جۇمىلدىرىلىپ، اقتوبە - قۇمساي - قايراقتى - قايىڭدى - ميلىساي - ارالتوعاي باعىتى بويىنشا «قازاۆياقۇتقارۋ» ەۋروكوپتەرى ۇشىپ شىقتى.