جولدا قالىپ قويعان 20 ادامنىڭ ۇشەۋى - بالا.
اقتوبە وبلىسىندا قۇتقارۋشىلار اۋا رايىنىڭ قولايسىزدىعىنا بايلانىستى 23 ادامدى ەۆاكۋاسيالادى. وڭىردە دابىلدى ەسكەرتۋ جاريالانعان، دەپ حابارلادى وبلىستىق تجد باسپا ءسوز قىزمەتى.
15 ساۋىردە 112 پۋلتىنە حرومتاۋ اۋدانى سامارا-شىمكەنت اۆتوجولىنىڭ 820 شاقىرىمىندا جولاۋشىلار مىنگەن اۆتوموبيل جولدان شىعىپ كەتىپ، ەۆاكۋاسيالاۋ قاجەت ەكەندىگى تۋرالى حابارلاما كەلىپ ءتۇستى.
وقيعا ورنىنا جەدەل تۇردە حرومتاۋ اۋدانىنىڭ قۇتقارۋشىلارى مەن جول تالعامايتىن ترەكول قۇتقارۋ تەحنيكاسى جىبەرىلدى. اۆاريالىق-قۇتقارۋ جۇمىستارىنىڭ ناتيجەسىندە 20 ادام، ونىڭ ىشىندە 3 بالا قۇتقارىلىپ، حرومتاۋ قالاسى مەن اقجار اۋدانىنا جەتكىزىلدى.
سول كۇنى ساعات 23:50-دە مۇعالجار اۋدانى ەڭبەك اۋىلدىق وكرۋگىنىڭ ءساعاشيىلى اۋىلىنىڭ اۋماعىندا بۇزىلعان جەڭىل اۆتوكولىكتەن ادامداردى ەۆاكۋاسيالاۋ قاجەتتىگى تۋرالى حابارلاما كەلىپ ءتۇستى. اۆاريالىق-قۇتقارۋ جۇمىستارىنىڭ ناتيجەسىندە مۇعالجار اۋدانىنىڭ قۇتقارۋشىلارى 3 ادامدى قۇتقارىپ، قاندىاعاش قالاسىنا جەتكىزدى.