بۇۇ قاۋىپسىزدىك كەڭەسى اتىستى توقتاتۋعا شاقىردى.
سۋدانداعى قاقتىعىس سالدارىنان قازا تاپقاندار سانى 56-عا جەتتى، 595 ادام زارداپ شەكتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
ەلدىڭ دارىگەرلەر كوميتەتىنىڭ حابارلاۋىنشا، تەك حارتۋمدا 17 ادام قازا تاۋىپ، 302 ادام جاراقات العان.
بۇعان دەيىن دارىگەرلەر 25 ادام قازا تاۋىپ، 183 ادام جارالانعانىن حابارلاعان بولاتىن.
سۋدانداعى جاعداي ەگەمەندىك كەڭەسىن (ەلدىڭ باسقارۋشى ورگانى) باسقاراتىن ارميا قولباسشىسى ابدەل فاتتاح ءال-بۋرحان مەن ونىڭ كەڭەستەگى ورىنباسارى - ارنايى كۇشتەردىڭ قولباسشىسى مۇحاممەد حامدان داگالو (حاميدتي) اراسىنداعى كەلىسپەۋشىلىكتەرگە بايلانىستى ۋشىعىپ كەتتى. 15 ءساۋىر كۇنى تاڭەرتەڭ مەروۆ پەن حارتۋمداعى اسكەري بازا ماڭىندا وسى ەكى قۇرىلىم اراسىندا قاقتىعىستار باستالدى.
ال، بۇۇ قاۋىپسىزدىك كەڭەسى اتىستى توقتاتۋعا شاقىردى.
«قاۋىپسىزدىك كەڭەسىنىڭ مۇشەلەرى تاراپتاردى سوعىس قيمىلدارىن دەرەۋ توقتاتىپ، تىنىشتىقتى قالپىنا كەلتىرۋگە جانە سۋدانداعى قازىرگى داعدارىستى شەشۋ ءۇشىن ديالوگكە قايتا ورالۋعا شاقىردى»، - دەلىنگەن بۇۇ قاۋىپسىزدىك كەڭەسىنىڭ سەنبىدەگى مالىمدەمەسىندە.
سونىمەن قاتار، بۇۇ قاۋىپسىزدىك كەڭەسىنىڭ مۇشەلەرى ايماققا گۋمانيتارلىق كومەككە قول جەتكىزۋدىڭ ماڭىزدىلىعىن اتاپ ءوتتى جانە سۋداننىڭ بىرلىگىن، ەگەمەندىگى مەن اۋماقتىق تۇتاستىعىن جاقتايتىنىن راستادى.