اداسىپ كەتكەن ايەل كولىككە قاراي كەرى قايتاتىن جولدى تابا الماي قالعان.
الماتى وبلىسىنداعى تاسمۇرىن اسۋى تۇسىندا ساڭىراۋقۇلاق تەرۋگە شىققان ايەل اداسىپ قالعان. قۇتقارۋشىلار ونى تاڭعا جۋىق تاپتى، دەپ حابارلايدى اlmaty-akshamy.kz توتەنشە جاعدايلار مينيسترلىگى سايتىنا سىلتەمە جاساپ.
15 ءساۋىر ساعات 20:30-دا الماتى وبلىسى تجد كەزەكشى ءبولىمىنىڭ پۋلتىنە بالقاش اۋدانى تاسمۇرىن اسۋى ماڭىنداعى مالايسارى اۋىلىنىڭ ماڭىندا، تاۋلى جەردە 1962 جىلعى ايەل جوعالىپ كەتكەنى تۋرالى حابارلاما تۇسەدى. ول كۇندىز تۋىستارىمەن بىرگە ساڭىراۋقۇلاق تەرۋگە كەلگەن (1 ەر ادام، 2 ايەل، 2 يت). اداسىپ كەتكەن ايەل كولىككە قاراي كەرى قايتاتىن جولدى تابا الماي قالعان.
16 ءساۋىر ساعات 6.50-دە ىزدەستىرۋ توبى جوعالعان ادامدى تاپتى. وعان مەديسينالىق كومەك قاجەت بولمادى. ىزدەستىرۋ-قۇتقارۋ جۇمىستارىنا تجد 10 قىزمەتكەرى مەن 2 تەحنيكاسى، رەسپۋبليكالىق-جەدەل-قۇتقارۋ جاساعىنان 12 قۇتقارۋشى، 2 تەحنيكا جانە 1 كينولوگيالىق ەسەپ، پوليسيا دەپارتامەنتىنەن 8 قىزمەتكەر مەن 3 تەحنيكا جۇمىلدىرىلدى.
تجم قۇتقارۋشىلارى تاۋدا قالعان تۋريستەرگە بارلىق قاۋىپسىزدىك شارالارىن ساقتاۋعا كەڭەس بەرەدى:
- دەنە دايارلىعىن ەسەپتەڭىز
- قۇتقارۋ قىزمەتتەرىنىڭ ۇسىنىستارىن ەسكەرىڭىز: اۋا رايى، كوشكىن ءقاۋپى
- وزىڭىزگە قاجەتتى زاتتاردى الا ءجۇرىڭىز: پاۋەربانك، سۋ وتكىزبەيتىن پاكەتتەگى سىرىڭكە، سۋ، قوسىمشا جىلى كيىم-كەشەك، GPS ناۆيگاتورى.
ەگەر سىزگە كومەك قاجەت بولسا، 112 نەمەسە 8 (727) 372-15-60 (تجم رەسپۋبليكالىق جەدەل-قۇتقارۋ جاساعىنىڭ كەزەكشى-ديسپەچەرلىك بولىمشەسى) نومىرلەرىنە قوڭىراۋ شالىڭىز.