جامبىل وبلىسىندا اۋا رايىنىڭ كۇرت ناشارلاۋى جولاۋشىلار پويىزدارىنىڭ قوزعالىس كەستەسىنىڭ بۇزىلۋىنا سەبەپ بولدى، دەپ حابارلايدى اlmaty-akshamy.kz.
«وسىعان بايلانىستى اقتوبە ستانسياسىنان جۇرەتىن №34 اقتوبە-الماتى-1 پويىزىنىڭ ءجۇرىسى 16 جەلتوقسان كۇنى ۋاقىتشا 1 كۇنگە توقتاتىلادى. بۇل قۇرام كەستە بويىنشا 21 ساعاتقا كەشىكتىرىلىپ جاتىر»، - دەدى «جولاۋشىلار تاسىمالى» اق باسپا ءسوز قىزمەتىنەن.
قوسىمشا اقپاراتتى «1433» تەگىن ءنومىرى جانە «KTZH_PP_BOT» بوت جەدەلحاتىنان الۋعا بولادى.
ەستەرىڭىزگە سالا كەتەيىك، جامبىل وبلىسىنىڭ قورداي جانە شۋ اۋداندارىنىڭ اۋماعىندا قاتتى جەل مەن ايازدىڭ سالدارىنان 14 جەلتوقساندا جەرگىلىكتى اۋقىمداعى تابيعي سيپاتتاعى توتەنشە جاعداي جاريالاندى.