بۇگىن – كسرو حالىق ءارتىسى، قازاق كسر حالىق ءارتىسى، سوسياليستىك ەڭبەك ەرى، كسرو جانە قازاقستاننىڭ كوپتەگەن سىيلىقتارىنىڭ يەگەرى، بىرەگەي ليريكا-كولوراتۋرالىق سوپرانو يەگەرى، اتى اڭىزعا اينالعان بيبىگۇل احمەت قىزى تولەگەنوۆانىڭ تۋعان كۇنى، - دەپ حابارلايدى Massaget.kz ءتىلشىسى.
بۇگىن 1929 جىلى 16 جەلتوقساندا دۇنيەگە كەلگەن بيبىگۇل تولەگەنوۆا 94 جاسقا تولدى. تانىمال ءانشى ءوز تۋعان كۇنىندە قازاقستان حالقىنا ۇندەۋ جاسادى.
"قۇرمەتتى دوستار! سىزدەردىڭ بارشالارىڭىزدى، مەملەكەتىمىزدىڭ تاۋەلسىزدىك كۇنىمەن قۇتتىقتاي وتىرىپ، بارشالارىڭىزعا زور دەنساۋلىق تىلەيمىن، ۇزاق ءومىر تىلەيمىن. كەشە جاۋعان اپپاق قارداي اپپاق كوڭىل تىلەيمىن. تىنىشتىق بولسىن، ەلىمىزدە اماندىق بولسىن. ىشتەگى داۋ، سىرتتاعى جاۋدان ساقتاسىن. امان-ەسەن بولىڭىزدار. مەرەكە قۇتتى بولسىن!" - دەدى بيبىگۇل تولەگەنوۆا.
اقپارات دەرەككوزى: https://massaget.kz/basty-zhaalytar-438/97036/