جالپى Standard&Poor's قازاقستان ەكونوميكاسىنىڭ 2022 جىلى 3،6% دەڭگەيىندە جانە 2025 جىلعا دەيىن ورتا ەسەپپەن 4%-عا جۋىق ءوسۋىن بولجاپ وتىر.
Standard&Poor's قازاقستاننىڭ تاۋەلسىز كرەديتتىك رەيتينگىن راستادى Standard&Poor's حالىقارالىق رەيتينگ اگەنتتىگى قازاقستاننىڭ تاۋەلسىز كرەديتتىك رەيتينگىن «BBB-/ا-3» دەڭگەيىندە راستادى، بولجام «تۇراقتى»، دەپ حابارلايدى Almaty-akshamy.kz 24.kz-كە سىلتەمە جاساپ.
قازاقستاننىڭ رەيتينگىن قولدايتىن ماڭىزدى فاكتورلار – ەل ەكونوميكاسىنىڭ تۇراقتى فيسكالدىق جانە سىرتقى بالانستارى. بۇل رەتتە ءوتىمدى سىرتقى اكتيۆتەرىنىڭ بولۋى قازاقستاننىڭ فيسكالدىق تۇراقتىلىعىنا وڭ اسەرىن تيگىزەدى.
S&P مەملەكەتتىك جانە سىرتقى بالانستار الداعى جىلدارى تۇراقتى بولىپ قالا بەرەتىنىن جانە ىقتيمال ماكروەكونوميكالىق تۇراقسىزدىقتى جۇمسارتۋ ءۇشىن جەتكىلىكتى بولاتىنىن اتاپ ءوتتى. بۇل رەتتە اگەنتتىكتىڭ مالىمەتىنە سايكەس، رەسەيگە قاتىستى ەكونوميكالىق سانكسيالاردىڭ قايتالاما سالدارىن ەڭسەرۋگە بولادى جانە ول قازاقستاننىڭ نەگىزگى مۇناي جانە گاز ەكسپورتى نارىقتارىنا شىعۋىندا ىرىكىلىستەرگە الىپ كەلمەيدى.
ساراپشىلاردىڭ پىكىرىنشە، قازاقستاننىڭ ءتيىمدى ماكروەكونوميكالىق ساياساتى ەكونوميكانى ءارتاراپتاندىرۋ، جەكە سەكتوردى دامىتۋ، حالىقتىڭ تابىسىن ارتتىرۋ، ينۆەستيسيالىق احۋالدى جاقسارتۋ، سالىق ساياساتىن جەتىلدىرۋ بويىنشا شارالار اياسىندا جالعاسا بەرەدى. بۇدان باسقا ق ر ۇب-نىڭ نەسيەلەندىرۋ باعدارلامالارىنان شىعۋى ارتىق تەڭگەلىك وتىمدىلىكتى تومەندەتەدى، سونداي-اق ترانسميسسيالىق مەحانيزمدەردى جاقسارتادى.