سەبەبى قالانىڭ ورتالىق جىلۋ جۇيەسىندە كۇردەلى جوندەۋ جۇرگىزىلەدى.
جاۋاپتى ماماندار وسىنداي شەكتەۋ شارالارى ارقىلى الداعى جىلۋ بەرۋ ماۋسىمىنا دايىندىق جاساماق. كاسپيي جاعاسىنداعى شاھاردا جىلۋ قۇبىرلارىنىڭ 80%ء-ى توزىپ تۇر، دەپ حابارلايدى Almaty-akshamy.kz 24.kz-كە سىلتەمە جاساپ.
سونىڭ سالدارىنان وتكەن جىلىتۋ ماۋسىمىندا وبلىس ورتالىعىندا 700-دەي اپات تىركەلدى. ايتا كەتسەك، ماگيسترالدى قۇبىردىڭ جالپى ۇزىندىعى – 44 شاقىرىم. بۇعان دەيىن اۋقىمدى جوندەۋ جۇمىستارى جاسالماعان.
«بۇعان دەيىن بۇل تەك ءىشىنارا اۆاريالىق جاعداي بولعاندا كەتىپ تۇرعان جەرلەرىن وڭداۋ، جوندەۋ جۇمىستارى جۇرگىزىلدى. ەڭ نەگىزگى جۇمىستار ەندى باستالىپ جاتىر. سول سەبەپتەن قىستا جىلۋ مەن ىستىق سۋمەن بولعىڭىز كەلسە، ءبىز ءقازىر جۇمىس اتقارۋىمىز كەرەك. جىلىتۋ ماۋسىمىنا دەيىن ۇلگەرۋىمىز كەرەك»، - دەيدى وبلىستىق ەنەرگەتيكا جانە تۇكش باسقارماسى باسشىسىنىڭ ورىنباسارى سەرىكقالي قاناپين.