ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ازاماتتاردى قابىلداۋ ورتالىعىندا جەكە قابىلداۋ وتكىزىپ، ەلىمىزدىڭ ءار وڭىرىنەن كەلگەن 13 ادامنىڭ ماسەلەلەرىن قارادى.
قازاقستاندىقتار ءومىر ءسۇرۋ ساپاسىن ارتتىرۋ جانە مۇگەدەك ادامداردىڭ قۇقىقتارىن ساقتاۋ، ءتۇرلى الەۋمەتتىك قولداۋ شارالارىن كورسەتۋ، كاسىپكەرلىكتى دامىتۋ ءۇشىن گرانتتار مەن شاعىن نەسيەلەر بەرۋ، جۇمىسقا ورنالاستىرۋ، قىزمەتكەرلەردىڭ ەڭبەك قۇقىقتارىن ساقتاۋ جانە ت.ب. ماسەلەلەرىمەن مينيسترگە جۇگىندى، دەپ حابارلايدى Almaty-akshamy.kz cالا مينيسترلىگىنە سىلتەمە جاساپ.
سۆەتلانا جاقىپوۆا ازاماتتاردىڭ وتىنىشتەرى مەن ۇسىنىستارىن تىڭداپ، ولاردىڭ ساۋالدارىنا ەگجەي-تەگجەيلى جاۋاپ بەردى. قاراۋعا قوسىمشا ۋاقىتتى تالاپ ەتەتىن ماسەلەلەردى ءوزىنىڭ جەكە باقىلاۋىنا الىپ، ق ر ەحاقم ءتيىستى دەپارتامەنتتەرىنە قولدانىستاعى زاڭناماعا سايكەس ءوز قۇزىرەتى شەڭبەرىندە ولاردى شەشۋگە كومەك كورسەتۋدى تاپسىردى.