اكەسىنىڭ جۇمىسىنا بايلانىستى اليحاننىڭ وتباسى اۋىلدان قالاعا كوشەدى. اليحان اۋىلدا ءوز دوستارىنىڭ اراسىندا بەدەلدى، ءارى ءتۇرلى يدەيانى باستاۋ ەتىپ الاتىن كوشباسشىلىق قابىلەتى باسىم بولدى. ۇنەمى جان-جاعىنا قول ۇشىن بەرىپ، اۋىل قارتتارىنا كومەكتەسىپ، كوپتىڭ العىسىنا بولەنگەن ەدى.
قالاعا كوشىپ كەلگەلى جالعىز ءوزى ءىشى پىسىپ، از ۋاقىتتا جان-جاعىن باقىلاۋعا كىرىسەدى. اۋلاداعى قوقىستاردى تازارتا باستايدى، ۇلكەندەرگە كومەكتەسىپ اۋلا سىپىرادى، قوقىس جاشىگىندەگى وتتى ءسوندىرىپ، وزىنە العاشقى دوس تابادى. وسىلايشا دوستار جيناپ، ولارمەن وتە تاتۋ بولىپ، ءۇي استىنداعى جەرتولەدەن وزدەرىنە شتاب جاسايدى، «اۋلا ساقشىلارى» كومانداسىن قۇرايدى. اۋلا ماسەلەلەرىنە ارالاسا باستايدى. وسى كەزدە پاتەر يەلەرى كووپەراتيۆىنىڭ باسشىسى بالالاردىڭ جاساعان جۇمىستارىن ءوز پايداسىنا جاراتپاق بولادى. بالالار اۋلاداعى ءۇيسىز جۇرگەن قارت ادامدى قالىپقا كەلتىرىپ، ءوز كوماندالارىنا قوسادى. الايدا قارت كىسىنىڭ پاتەرىن پيك باسشىسى بىرنەشە جىل بۇرىن تارتىپ العانى بەلگىلى بولادى. كوماندانىڭ جۇمىسى قيىنداي تۇسەدى. وسىلايشا ۇلكەندەر شەشەتىن سۇراقتارعا دا تاپ بولادى.
اليحاننىڭ اتى بۇكىل قالاعا تانىلىپ، كوماندا مۇشەلەرى كوبەيىپ، ءار اۋلاعا ۇلگى بولادى. پيك باسشىسىنىڭ ارەكەتىن ايقىنداپ، اقىرىندا قارتقا دا كومەكتەسەدى.
بالالاردىڭ اۋلاسى قالا بويىنشا تانىمال بولا باستايدى.
وسىلايشا كوپتەگەن ماسەلەلەرگە ارالاساتىن اۋىل ساقشىلارى ءوز باستامالارىن ەلىمىزدىڭ باسقا دا قالالارىنا چەللەندج رەتىندە جاريالايدى.
بۇگىنگى كۇنگى وسىناۋ ماسەلەنى كينو سيۋجەتى رەتىندە العان باس پروديۋسەر ءمۇراتالى وسپانباي مەن رەجيسسەر مەدەت ىلگەدايەۆتىڭ «اۋلا ساقشىلارى» كينو جوباسىن 2 مامىردان باستاپ كورە الاسىزدار.