وبلىستا جان باسىنا قارجىلاندىرۋ تەتىگىن ىسكە اسىرۋ ماقساتىندا اعىمداعى جىلى سپورت سەكسيالارىندا 10 000 بالانى قامتۋ جوسپارلانعان.
ق ر پرەزيدەنتىنىڭ قاسىم-جومارت توقايەۆتىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋىنىڭ اياسىندا الماتى وبلىسىندا بۇقارالىق سپورتتى دامىتۋ قارقىندى جۇزەگە اسۋدا، دەپ حابارلايدى Almaty-akshamy.kz اكىمدىكتىڭ باسپا ءسوز قىزمەتىنە سىلتەمە جاساپ.
الماتى وبلىسىندا بۇقارالىق سپورتتى دامىتۋدى بويىنشا كەلەسى جۇمىستار جۇرگىزىلۋدە. سونىڭ ءبىر دالەلى ايماقتاعى سپورت نىساندارىنىڭ سانىنىڭ 131 بىرلىككە ارتۋى. قازىرگى كەزدە وڭىردە جالپى سانى 3718 سپورت عيماراتى جۇمىس ىستەيدى.
بۇگىنگى كۇنى وبلىستا 13 دەنە شىنىقتىرۋ – ساۋىقتىرۋ كەشەنى ەل يگىلىگىنە قولدانىسقا بەرىلدى. الداعى تاڭدا اقسۋ اۋدانى، جانسۇگىروۆ اۋىلىندا دشسك قۇرىلىسى اياقتالىپ، پايدالانۋعا بەرۋ جوسپارلانىپ وتىر.
«نەگىزىنەن ايماقتا 54 سپورت مەكەمەلەرى بار. وبلىستىڭ اۋداندارى مەن قالالارىنىڭ 45 سپورت مەكتەبىندە 72 سپورت تۇرىمەن 42 500 سپورتشى شۇعىلدانادى. وبلىستا دەنە شىنىقتىرۋمەن جانە سپورتپەن جۇيەلى تۇردە اينالىساتىنداردىڭ سانى 667 مىڭ ادامدى قۇرايدى، بۇل وبلىس حالقىنىڭ 32% - ى قۇرايدى»،-دەيدى الماتى وبلىسى دەنە شىنىقتىرۋ جانە سپورت باسقارماسىنىڭ باسشىسى نۇرباقىت تەڭىزبايەۆ.
وبلىستا جان باسىنا قارجىلاندىرۋ تەتىگىن ىسكە اسىرۋ ماقساتىندا اعىمداعى جىلى سپورت سەكسيالارىندا 10 000 بالانى قامتۋ جوسپارلانعان، بۇگىنگى كۇنى سپورت سەكسياسىنا بالالارعا بارۋ ءۇشىن 1334 ۆاۋچەر بەرىلدى. سونداي-اق، وسى جىلى وبلىستاعى بۇقارالىق سپورتتى دامىتۋعا 21،5 ملرد. تەڭگە قارجى ءبولىندى.
سپورتتىق-بۇقارالىق ءىس-شارالاردىڭ كۇنتىزبەلىك جوسپارىنا سايكەس وبلىس اۋماعىندا سپورت تۇرلەرى بويىنشا سپارتاكيادالار، تۋرنيرلەر جانە بىرىنشىلىكتەر وتكىزىلەدى. دەنە شىنىقتىرۋ جانە سپورت سالاسىنداعى كورسەتكىشتەردى جاقسارتۋ جانە جوعارى ناتيجەلەرگە قول جەتكىزۋ جونىندەگى جۇمىس جالعاستىرىلاتىن بولادى.