وتباسى كۇنى قارساڭىندا «مەرەيلى وتباسى» ۇلتتىق بايقاۋىنىڭ لاۋرەاتتارىن ونلاين فورماتتا ماراپاتتاۋ ءراسىمى ءوتتى.
ءراسىمنىڭ اشىلۋىندا قازاقستاننىڭ مەملەكەتتىك حاتشىسى قىرىمبەك كوشەربايەۆ مەملەكەت باسشىسى قاسىم-جومارت توقايەۆتىڭ قۇتتىقتاۋ ءسوزىن وقىپ، وسكەلەڭ ۇرپاقتى تاربيەلەۋ جانە وتباسىلىق قۇندىلىقتاردى نىعايتۋداعى بايقاۋدىڭ ماڭىزدىلىعىن اتاپ ءوتتى، دەپ حابارلايدى Almaty-akshamy.kz.
- ءبىز ءاربىر قازاقستاندىق وتباسىندا كەلىسىم، باقىت جانە اماندىق اتموسفەراسى ورناعانىن قالايمىز. سوندىقتان دا مەن وتباسىلىق ساياساتقا ەرەكشە نازار اۋدارامىن. وتباسى ينستيتۋتى وسكەلەڭ ۇرپاقتىڭ بويىندا ادامگەرشىلىك، پاراساتتىلىق، ەڭبەكسۇيگىشتىك، پاتريوتيزم سياقتى قاسيەتتەردى قالىپتاستىرۋدا ۇلكەن ءرول اتقارادى. حالقىمىز قاي كەزدە دە ۇلكەندى سىيلاپ، جاستاردى قولداپ، ولارعا ۇلگى-ونەگە كورسەتەدى. جاھاندانۋ جاعدايىندا ءبىزدىڭ ءداستۇرلى رۋحاني قۇندىلىقتارىمىزدىڭ قازىرگى قازاقستاندىق قوعام ءومىرىنىڭ اجىراماس بولىگىنە اينالۋى ماڭىزدى. بۇعان وتباسى كۇنىنە ورايلاستىرىلعان جىل سايىنعى جالپىۇلتتىق بايقاۋ ايتارلىقتاي ۇلەس قوسۋدا، - دەلىنگەن پرەزيدەنتتىڭ قۇتتىقتاۋىندا.
بايقاۋعا الماتىنىڭ اتىنان دارىگەرلەر اۋلەتى قاتىستى. بۇل وتباسىندا وسىمەن ءۇشىنشى بۋىن ازاماتتاردىڭ دەنساۋلىعىن قورعاۋ سالاسىندا ەڭبەك ەتىپ جاتىر.
- قازاقستان تاۋەلسىزدىگىنىڭ وتىز جىلدىعى ءبىزدىڭ وتباسىمىز ءۇشىن دە ەرەكشە. مەنىڭ اتا-انامنىڭ شاڭىراق كوتەرگەندەرىنە بيىل 65 جىل تولدى، - دەيدى الماگۇل احمەتوۆا.
ونىڭ ايتۋىنشا، مەديسينا ولاردىڭ دا وتباسىن قۇرۋىنا سەبەپ بولعان. جاس قىز قۇلسارا ايمىرزا احمەتوۆ جۇمىس ىستەيتىن اۋرۋحاناعا تۇسكەن. ايمىرزا اۋرۋحانانى ارالاۋ كەزىندە سۇلۋعا نازارى اۋىپ، ولاردىڭ اراسىندا بىردەن سەزىم ۇشقىنى پايدا بولعان.
-مەنىڭ اتا-انامنىڭ ءارقايسىسىنىڭ مۇنداي سەزىم ۇشقىننىڭ وزىندىك نۇسقاسى بار – اكەم مۇنى ادەتتەگى تەمپەراتۋرانىڭ جوعارىلاۋىمەن تۇسىندىرەدى، ال انام شەككە ازداپ قىزارعانىن ايتادى. ءبىراق بۇل ماحاببات فاكتىسى ەكەنىن جوققا شىعارمايدى، - دەپ جىميدى قىزى الماگۇل.
ءقازىر احمەتوۆتار وتباسىندا ءۇش بالا، بەس نەمەرە جانە بەس شوبەرە بار. سونىمەن قاتار، ءتىپتى كەيبىر نەمەرەلەرى مەديسينا جولىن تاڭداۋدى شەشكەن.
- ءبىزدىڭ وتباسىمىزدىڭ باستى ەرەكشەلىگى - بۇل بىرلىك. بىزدە وتباسىلىق داستۇرلەر كوپ، ءبىراق ەڭ باستىسى – جاڭا جىلدىق ۇلكەن داستارحان باسىندا جينالىپ، جوسپارلارىمىزبەن، جەتىستىكتەرىمىزبەن جانە جاڭا ماقساتتارىمىزبەن ءبولىسۋ، – دەيدى احمەتوۆتار وتباسىنىڭ وكىلى.
ايتا كەتۋ كەرەك، بيىل بايقاۋدى وتكىزۋدىڭ جاڭا تاسىلدەرى ەنگىزىلگەن بولاتىن، سوعان سايكەس، ەندى جىل سايىن ءار وڭىردەن 17 ۇزدىك وتباسى انىقتالادى. اعىمداعى جىلى وڭىرلىك كونكۋرستىق كوميسسيالارعا 2768 ءوتىنىم كەلگەن.
جاڭا ەرەجەلەر بويىنشا وتىنىمدەر تەك وتباسىلاردان عانا ەمەس، ۇيىمداردان دا قابىلداندى.
مەملەكەت باسشىسىنىڭ اتىنان لاۋرەاتتاردىڭ وتباسىلارىنا ەستەلىك سىيلىقتار مەن اقشالاي سەرتيفيكاتتار تابىستالدى.
ماقالا «سەمەينىە سەننوستي» گازەتىنىڭ 11.09.2021 جىلعى №109 سانىندا جاريالانعان.