ناۋرىزدى جانۇياڭىزدىڭ ورتاسىندا اماندىقتا وتكىزۋدى تىلەيمىن
اقش-تىڭ ەلىمىزدەگى باس كونسۋلى كەرولاين سيەۆيدج قازاقستان حالقىن ناۋرىز مەيرامىمەن قازاق تىلىندە قۇتتىقتادى، دەپ حابارلايدى Almaty-akshamy.kz.
«قىستىڭ ىزعارىندا جۇرەككە ۇرەي ۇيالاتاتىن اۋىر شاقتاردا ادام بالاسىنىڭ اڭسايتىنى تىنىشتىق، تاتۋلىق، ءۇمىت، وتباسى اماندىعى جانە كوكتەم. كوكتەم ناۋرىزدان باستالادى دەيدى. ناۋرىزدىڭ شۋاقتى كۇندەرى مەن الاڭسىز كەشتەرىندە دوس-جاران، اعايىن-تۋىسپەن تابىسىپ، ناۋرىز كوجەدەن ءدام تاتۋ – وسى ساتتەردى قازاقستان حالقى ەرەكشە قادىرلەيتىنىن بىلەمىن. بيىل ناۋرىز قازاق ەلىنە جانە بۇكىل دۇنيەگە جىلۋىمەن، ۇمىتىمەن كەلسىن، بەرەكە مەن بىرلىك اكەلسىن. ناۋرىزدى جانۇياڭىزدىڭ ورتاسىندا اماندىقتا وتكىزۋدى تىلەيمىن. ناۋرىز قۇتتى بولسىن! ۇلىس وڭ بولسىن، اق مول بولسىن! اماندىقتا جۇزدەسكەنشە!»، - دەپ ءبولىستى كەرولاين سيەۆيدج الەۋمەتتىك جەلىدە.