مەيرام ۇلكەن كونسەرتتىك باعدارلاماعا ۇلاستى
وسكەمەن تۇرعىندارى ۇلىستىڭ ۇلى كۇنىن كەڭ كولەمدە اتاپ ءوتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وسكەمەندە ۇلىستىڭ ۇلى كۇنىندە ءتۇرلى چەللەندجدەر، سپورتتىق جارىستار ءوتتى. ورتالىق الاڭعا جينالعان جۇرتشىلىققا ۇلتتىق تاعامدار ۇسىنىلىپ، كينوتەاترلاردا وتاندىق فيلمدەر تەگىن كورسەتىلدى. شاھار جۇرتشىلىعى مەن جاستارى مەرەكەگە وراي «ەكو ناۋرىز» اكسياسىن وتكىزىپ، شەشەك اسۋى ماڭىنداعى بۇلاقتى قوقىستان تازارتتى.
مەرەكە كۇنى باس الاڭدا كيىز ءۇي قالاشىعى، بالالار ويىن الاڭدارى مەن حالىق شەبەرلەرىنىڭ ساندىك-قولدانبالى ونەر كورمەسى ۇيىمداستىرىلدى. ال جارمەڭكەدە وسكەمەن تۇرعىندارى ءار ءتۇرلى ءدامدى تاعامداردان ءدام تاتىپ، ساۋدا كوركىن قىزدىردى.
«Baursak party» بايقاۋىنا قاتىسۋشىلاردىڭ قولىنان قالا تۇرعىندارى ىستىق باۋىرساقتان ءدام تاتتى. مەيرام ۇلكەن كونسەرتتىك باعدارلاماعا ۇلاستى. وعان شاھاردىڭ ەتنومادەني جانە شىعارماشىلىق ۇجىمدارى قاتىستى. سپورت اۋەسقويلارى اسىق اتۋ، گىر سپورتى، قازاقشا كۇرەس جانە باسقا دا ۇلتتىق سپورت تۇرلەرى بويىنشا جارىسقا ءتۇستى.
شقو اكىمى دانيال احمەتوۆ تۇرعىنداردى ناۋرىز مەرەكەسىمەن قۇتتىقتاپ، ءار وتباسىنا باقىت، اماندىق پەن بەرەكە تىلەدى.