اقش-تا قانشا قازاقستاندىق بار ەكەنى جايىندا سىرتقى ىستەر مينيسترلىگىنىڭ وكىلى جاۋاپ بەردى، دەپ حابارلايدى aqshamnews.kz
قازاقستاننىڭ سىرتقى ىستەر ءمينيسترىنىڭ ورىنباسارى الىبەك باقايەۆتىڭ مالىمەتىنشە، اقش-تىڭ كونسۋلدىق تىزىمىندە شامامەن 25 مىڭ قازاقستاندىق تىركەلگەن.
دەگەنمەن، تىركەلمەگەن ازاماتتاردىڭ ناقتى سانى بەلگىسىز، سوندىقتان بۇل كورسەتكىش تولىق ءدال ەمەس.
قازىرگى ۋاقىتتا اقش-تان قازاقستان ازاماتتارىن شىعارۋعا قاتىستى قانداي دا ءبىر رەسمي اقپارات جوق. ءبىراق جاقىندا قازاقستان ەلشىلىگى اقش-تاعى قازاقستاندىقتارعا ميگراسيالىق زاڭنامانىڭ قاتاڭداتىلىپ جاتقانىن ەسكەرتىپ، اقپارات تاراتىپتى. بۇل قادام اقش-تا تۇرىپ جاتقان قازاقستاندىقتارعا زاڭدى تالاپتار مەن وزگەرىستەر تۋرالى ۋاقىتىلى حاباردار بولۋدى قامتاماسىز ەتۋ ماقساتىندا جاسالعان.