اقش-تا جويقىن داۋىل سالدارىنان ەلدىڭ كەي شتاتتارىندا توتەنشە جاعداي ەنگىزىلدى
ەڭ قاتتى زارداپ شەككەن نيۋ-يورك جانە نيۋ-دجەرسي شتاتتارىندا ونداعان ادام كوز جۇمدى. پەنسيلۆانيا شتاتىندا دا وپات بولعاندار بار، دەپ حابارلايدى Almaty-akshamy.kz.
بەيسەنبى كۇنى قۇراما شتاتتاردىڭ شىعىس جاعالۋىندا نوسەر جاۋىن تولاستاماعان. بۇعان دەيىن اقش-تىڭ سولتۇستىك-شىعىسىندا 29 ادامنىڭ كوز جۇمعانى حابارلانعان ەدى. سارسەنبى كۇنى ءۇش شتاتتىڭ بيلىگى «يدا» داۋىلىنا بايلانىستى ءوز اۋماقتارىندا توتەنشە جاعداي رەجيمىن ەنگىزدى. بىرنەشە ساعاتتىڭ ىشىندە نيۋ-يوركتە 15-25 cم جاۋىن-شاشىن تۇسكەن. جەرگىلىكتى تۇرعىنداردىڭ تەلەفوندارىنا سۋ باسۋ جانە تورنادو ءقاۋپى تۋرالى حابارلاما كەلگەن. برۋكلين مەن كۆينس اۋداندارىندا جەرگىلىكتى تۇرعىندار الەۋمەتتىك جەلىلەردە كوشەلەر، ۇيلەر، مەتروپوليتەن ستانسالارىن سۋ باسقانى تۋرالى جازدى. نوسەر جاۋىن سالدارىنان ءۇش قالالىق اۋەجاي جۇمىسى ۋاقىتشا توقتاتىلعان، قالادا ءوتىپ جاتقان اقش-تىڭ تەننيستەن اشىق چەمپيوناتىنىڭ (US Open) بىرنەشە ماچى توقتاتىلدى.