كۇنى كەشە مەملەكەت باسشىسى قاسىم-جومارت كەمەل ۇلى توقايەۆتىڭ جولداۋىندا تاۋەلسىز ەلىمىزدىڭ دامۋ جولىنداعى باسىم باعىتتار مەن نەگىزگى ماقساتتاردى ايقىندادى.
ەڭ الدىمەن، ادام الەۋەتىن ارتتىرۋعا ارنالعان جولداۋدا 7 باعىتقا باسا نازار اۋدارىلىپ، 5 ماڭىزدى باستاما كوتەرىلدى.
دالىرەك ايتقاندا، مەملەكەت تاراپىنان ازىق-تۇلىك باعاسىن باقىلاۋ، ەڭ تومەنگى جالاقى مولشەرىن 60 مىڭ تەڭگەگە ۇلعايتۋ، زەينەتاقى قورىنداعى قاراجاتتى «وتباسى بانك» ارقىلى اۋدارىم جاساپ، باسپانالى بولۋعا مۇمكىندىك بەرۋ. بۇل باستامالار ءاربىر تۇرعىننىڭ ءومىر ءسۇرۋ دەڭگەيىن كوتەرۋگە ارنالعان.
ەل پرەزيدەنتى قويعان مىندەتتەر Nur Otan پارتياسىنىڭ 2025 جىلعا دەيىنگى سايلاۋالدى باعدارلاماسىنىڭ باعىتتارىمەن ۇيلەسىپ، جەكەلەگەن تۇستارىن تولىقتىرىپ وتىر. ءبىز بۇل ماقسات-مىندەتتەرگە ەلباسى ساياساتىنىڭ ساباقتاستىعىن قامتاماسىز ەتە وتىرىپ قول جەتكىزە الامىز.
ناقتى ىستەر پارتياسىنىڭ جوسپارلارى – حالىقتىڭ قاجەتتىلىكتەرىنەن شىعىپ، كومەك كورسەتۋمەن قاتارلاس. وسى رەتتە حالىقپەن بيلىك اراسىنداعى كوپىر سانالاتىن پارتيانىڭ قوعامدىق قابىلداۋىندا ماسەلەلەردى شەشۋدىڭ نەگىزگى تەتىگى ورنالاسقان. ال قاسىم-جومارت كەمەل ۇلىنىڭ «حالىق ۇنىنە قۇلاق اساتىن مەملەكەت» تۇجىرىمداماسى نەگىزىندەگى بۇل جولداۋدا بارلىق كوتەرىلگەن ماسەلەلەردىڭ شەشۋ جولدارى ناقتىلانعان.
وسى ورايدا جولداۋداعى جاڭا مىندەتتەردى جۇزەگە اسىرۋعا الماتى قالاسىنىڭ قوسار ۇلەسى دە ەرەكشە بولماق. مەملەكەت باسشىسى ايتقانداي، رەسپۋبليكا بويىنشا مەكتەپتەردەگى ورىن تاپشىلىعى 225 مىڭ ورىندى قۇرايدى. بۇل رەتتە پارتيانىڭ جاڭا مەكتەپتەر اشۋ جانە جۇمىس ىستەپ تۇرعان مەكتەپتەرگە جاپسارلاس قۇرىلىستار سالۋ ەسەبىنەن وقۋشى ورىندارىنىڭ تاپشىلىعىن تومەندەتۋدىڭ ايقىن جوسپارى Nur Otan پارتياسىنىڭ جول كارتاسىندا بار. بۇل 2025 جىلعا دەيىن الماتى قالاسى بويىنشا جالپى 30 000-نان استام وقۋشىعا ارنالعان 15 مەكتەپ پەن 25 مەكتەپكە جاپسارجاي سالۋدى بىلدىرەدى. ءبىز وسى جانە باسقا دا كورسەتكىشتەرگە پارتيالىق باقىلاۋدى كەڭەستەر مەن فراكسيا دەپۋتاتتارىنىڭ جۇمىسىن كۇشەيتۋ ارقىلى قول جەتكىزۋگە بارىمىزدى سالامىز.
Nur Otan پارتياسىنىڭ الماتى قالالىق فيليالى، ءوز كەزەگىندە، ءار الماتىلىقتىڭ لايىقتى ءومىر ءسۇرۋى ءۇشىن جاعداي جاساپ، ەل پرەزيدەنتىنىڭ جولداۋىندا قويىلعان مىندەتتەردىڭ ۇدەسىنەن شىعۋ ءۇشىن بەلسەندى ارەكەتپەن جۇمىلا كىرىسەتىن بولادى. پارتيالاستار وسىنداي سىن ساعاتتا ۇنەمى الدىڭعى لەكتەن كورىنەدى دەپ سەنىممەن ايتا الامىن.