قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ بيىلعى جولداۋىندا وتە ماڭىزدى ماسەلەلەر قامتىلدى. سونىڭ ىشىندە مەن مەملەكەت باسشىسىنىڭ ەكونوميكالىق رەفورما جانە وڭىرلىك دامۋ كوميتەتىنىڭ جۇمىسىنا قاتىستى ايتقاندارىنا توقتالعىم كەلىپ وتىر.
ەڭ الدىمەن، پرەزيدەنت قازاقستان ەكونوميكاسىنىڭ پاندەميا داعدارىسىنا بايلانىستى اۋىر كەزەڭدەردى ەڭسەرگەنىنە ەرەكشە ءمان بەردى. ءبارىمىز بىلەمىز، بىلتىر ىندەتتىڭ سالدارىنان ەل ەكونوميكاسى ءبىراز تۇرالاپ قالدى.
بيىل ەندى-ەندى ەس جيىپ كەلەمىز. بىلتىرعى ەكونوميكالىق جالپى پايدا 3،5 پايىزدان اسپاعان، بيىلعى كورسەتكىش 4،5 پايىزعا جەتىپ قالدى. قۇرىلىس، تاۋ-كەن، ءوڭدىرىس سالالارىنىڭ بيىلعى كورسەتكىشتەرى جامان ەمەس. مۇنىڭ ءبارى داعدارىس كەزىندەگى مەملەكەتتىڭ دۇرىس شەشىمدەرى مەن قولداۋىنىڭ ارقاسى. ەكىنشىدەن، انتيكريزيستىك شارالار، ياعني شاعىن جانە ورتا بيزنەسكە دەگەن جاناشىرلىق ءوز ناتيجەسىن بەردى. سونداي-اق پرەزيدەنت «قاراپايىم زاتتار ەكونوميكاسى» باعدارلاماسى ءوزىنىڭ تيىمدىلىگىن دالەلدەگەنىن ناقتى مىسالدارمەن ايتتى.
باعدارلامانى جۇزەگە اسىرۋ بارىسىندا 3،5 مىڭنان استام جوبا ىسكە قوسىلعان، 70 مىڭ جۇمىس ورنى اشىلدى. وندىرىلگەن ءونىم مەن كورسەتىلگەن قىزمەتتىڭ جالپى قۇنى 3،5 تريلليون تەڭگە بولدى. بۇل دەگەنىمىز بىزدە وسى باعدارلاماعا باسقا التەرناتيۆا جوق ەكەنىن بىلدىرەدى. تاعى ءبىر ايتا كەتەرلىك ماسەلە - مەملەكەت باسشىسى جاڭا تەحنولوگيالار مەن سيفرلاندىرۋ ارقىلى سۋدى ۇنەمدەۋگە كوشۋ قاجەتتىگىنە باسا نازار اۋداردى. سۋ تاپشىلىعىن الدىن الۋعا قاتىستى ءبىرقاتار تاپسىرمالار بەرىلدى. قازىرگى تاڭدا ءبىزدىڭ ەكونوميكالىق رەفورما جانە وڭىرلىك دامۋ كوميتەتىنىڭ سۋ تاپشىلىعىن جويۋعا قاتىستى باعدارلاماسى بار، ءالى دە قوسىمشا شارالار قاراستىرۋدى جوسپارلاپ وتىرمىز. ال وڭىرلەردى دامىتۋعا قاتىستى ايتار بولسام، حالىقتى اۋىز سۋمەن، جولمەن، سيفرلىق تەحنولوگيالارمەن قامتاماسىز ەتۋ جۇمىستارى قارقىندى جالعاسىن تابادى دەپ ويلايمىن.
پرەزيدەنت بارلىق سالانىڭ باسشىلارىنا ناقتى تاپسىرمالار بەردى. ەندى تەك ايتىلعان ماسەلەلەردى ىسكە اسىرۋ قاجەت. قاسىم-جومارت توقايەۆ ءاردايىم حالىقتىڭ ءال-اۋقاتىنىڭ جاقسارۋىنا ءمان بەرىپ كەلەدى. مەملەكەت باسشىسىنىڭ ەڭ تومەنگى جالاقى كولەمىن ارتتىرۋىنىڭ ءوزى حالىقتى ىنتالاندىرا ءتۇستى دەۋگە بولادى.