اقش-تا ايگىلى رەپەر شون كومبس، ياعني P. Diddy ءىسى بويىنشا سوت ۇكىمى شىقتى، دەپ حابارلايدى Aqshamnews.kz ءتىلشىسى.
مانحەتتەننىڭ اۋداندىق سوتى مۋزىكانتتى 4 جىل 2 ايعا باس بوستاندىعىنان ايىرۋعا جانە 500 مىڭ دوللار ايىپپۇل تولەۋگە ۇكىم ەتتى. سونىمەن قاتار، ول تۇرمەدەن شىققاننان كەيىن بەس جىل بويى باقىلاۋدا بولادى.
ايىپتاۋ تارابىنىڭ مالىمەتىنشە، رەپەر ۇزاق جىلدار بويى زورلىق-زومبىلىقپەن اينالىسقان قىلمىستىق توپ ۇيىمداستىرىپ، ەسكورت-قىزمەت كورسەتۋشىلەردى ەسىرتكى اسەرىندە ازعىن ارەكەتتەرگە يتەرمەلەگەن.
P. Diddy ەكى باپ بويىنشا – جەزوكشەلىك ۇيىمداستىرۋ ءىسى بويىنشا كىنالى دەپ تانىلدى، ءبىراق ادام ساۋداسى جانە رەكەت باپتارىنان اقتالدى.
سوت وتىرىسىندا رەپەر كوز جاسىن تىيا الماي، جابىرلەنۋشىلەردەن كەشىرىم سۇراپ، "بارىنەن ايىرىلدىم، ءوزىمدى جەك كورەمىن" دەپ مالىمدەدى. ونىڭ بالالارى مەن اناسى سوتتا راقىمشىلىق سۇراپ ءسوز سويلەگەن.
اقپارات كوزدەرىنىڭ حابارلاۋىنشا، وعان تۇرمەدەن جاقسى مىنەز-قۇلىق ءۇشىن مەرزىمىنەن بۇرىن بوساتىلۋ مۇمكىندىگى بار — شامامەن 2،5 جىلدان كەيىن.
ايتا كەتەيىك، شون كومبس 2011 جىلى الماتىداعى №2 بالالار ۇيىنە بارىپ، تاربيەلەنۋشىلەرمەن كەزدەسكەن بولاتىن.