اباي وبلىسىندا تاۋلىگىنە بىرنەشە جول-كولىك وقيعاسى تىركەلىپ، ءتورت ادام كوز جۇمدى، دەپ حابارلايدى Aqshamnews.kz ءتىلشىسى وڭىرلىك پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
ۆەدومستۆو مالىمەتىنشە، قايعىلى جاعدايلار 3 قازان كۇنى ومبى–مايقاپشاعاي تراسساسىندا بولعان.
اپاتتاردىڭ باستى سەبەبى – جول قوزعالىسى ەرەجەلەرىن ورەسكەل بۇزۋ: قارسى باعىتقا شىعۋ جانە تۇتاس سىزىق تۇسىرىلگەن جەردە بۇرىلۋ ارەكەتتەرى.
سالدارىنان ءتورت ادامنىڭ ءومىرى قيىلدى.
اباي وبلىسىنىڭ پوليسيا دەپارتامەنتى كولىك جۇرگىزۋشىلەرىنە ارنايى ۇندەۋ جولدادى:
«رولگە وتىرعاندا بارىنشا مۇقيات ءارى جاۋاپتى بولىڭىزدار. سەبەبى ۇيدە سىزدەردى جاقىندارىڭىز كۇتىپ وتىر»، دەپ ەسكەرتتى ۆەدومستۆو.