پريتونداردىڭ بارلىعى سىرت كوزگە جەكە كوتتەدجدەر سياقتى كورىنگەن.
ءبىر قاراعاندا، باسقالاردىڭ نازارىن اۋدارمايتىن قاراپايىم ءۇي سياقتى كورىنگەنمەن، ءىس جۇزىندە ولاي بولماي شىققان، دەپ حابارلايدى Almaty-akshamy.kz Polisia.kz-كە سىلتەمە جاساپ.
«مۇندا تۇنگى ءومىر قىزۋ ءجۇرىپ جاتىر: وزدەرىن ماسساج شەبەرى رەتىندە تانىستىراتىن قىزدار كليەنتتەرىنە ينتيمدىك قىزمەت كورسەتكەن. وسى رەيدتىڭ ناتيجەسىندە 40 ادام ۇستالدى. ولاردىڭ ءارقايسىسىنىڭ جەكە باسى كەز كەلگەن قىلمىسقا نەمەسە قۇقىقبۇزۋشىلىققا قاتىسى بار-جوعى ءبىزدىڭ جازبالارىمىزعا سايكەس تەكسەرىلدى. ولارعا ق ر اقبك-نىڭ 449-بابىنا جانە ق ر اقبك-نىڭ 492-بابىنا سايكەس اكىمشىلىك شارالار قولدانىلدى. ال جەزوكشەلىكپەن اينالىسۋعا ءۇي-جاي ۇسىنعانى ءۇشىن مەكەمە قوجايىندارى ق ر اقبك-نىڭ 450-بابى بويىنشا جاۋاپقا تارتىلدى، – دەيدى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ.
سونىمەن قاتار، اۋداندىق ءبولىم باسشىسى دەمالىس كۇندەرى پوليسيا قىزمەتكەرلەرى ويىن-ساۋىق مەكەمەلەرىندە كاليان شەگۋ دەرەكتەرىن دە تەكسەرگەنىن اتاپ ءوتتى. 57 زاڭ بۇزۋشىلىق انىقتالىپ، قۇقىق بۇزۋشىلارعا اكىمشىلىك حاتتامالار تولتىرىلدى.