پرەزيدەنت قاسىم-جومارت توقايەۆ اباي، جەتىسۋ جانە ۇلىتاۋ وبلىستارىنان قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋدى تاعايىنداۋ تۋرالى جارلىعىن جاريالادى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
قازاقستان رەسپۋبليكاسى كونستيتۋسياسىنىڭ 44-بابىنىڭ 2) تارماقشاسىنا، 50-بابىنىڭ 2-تارماعىنا، «قازاقستان رەسپۋبليكاسىنداعى سايلاۋ تۋرالى» 1995 جىلعى 28 قىركۇيەكتەگى قازاقستان رەسپۋبليكاسى كونستيتۋسيالىق زاڭىنىڭ 69-بابى 1-تارماعىنىڭ 2) تارماقشاسىنا، 129-بابىنا جانە «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسىنىڭ كەيبىر ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2022 جىلعى 3 مامىرداعى № 887 جارلىعىنا سايكەس قاۋلى ەتەمىن:
1. اباي، جەتىسۋ جانە ۇلىتاۋ وبلىستارىنان قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋ 2022 جىلعى 24 تامىزعا تاعايىندالسىن.
2. داۋىس بەرۋدi وتكiزۋ، سايلاۋ قورىتىندىلارىن بەلگىلەۋ جانە قازاقستان رەسپۋبليكاسى پارلامەنتى سەناتى دەپۋتاتتارىنىڭ وكiلەتتiك مەرزiمiن ايقىنداۋ «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋسيالىق زاڭىنىڭ 129-بابىنا سايكەس جۇزەگە اسىرىلاتىن بولىپ بەلگىلەنسىن.
3. قازاقستان رەسپۋبليكاسىنىڭ ۇكىمەتى، اباي، جەتىسۋ جانە ۇلىتاۋ وبلىستارىنىڭ اكىمدەرى اباي، جەتىسۋ جانە ۇلىتاۋ وبلىستارىنان قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋدى ۇيىمداستىرۋشىلىق، ماتەريالدىق-تەحنيكالىق جانە قارجىلىق قامتاماسىز ەتۋ جونىندەگى شارالاردى قابىلداسىن.
4. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.