ۇشاقتاردىڭ ۇشۋىنىڭ كەيىنگە قالدىرىلۋىنا ءارتۇرلى سەبەپتەرى بار
امەريكاندىق «ساۋتۋەست ەيرلاينس» ( Southwest Airlines) 2 مىڭعا جۋىق رەيستى كەيىنگە شەگەردى، دەپ حابارلايدى Almaty-akshamy.kz.
اتالعان جاعدايعا بايلانىستى اۋەجاي تەرمينالدارىندا ۇزىن-سونار كەزەك پايدا بولدى. بارلىعى 1 مىڭنان استام ۇشاق قاڭتارىلعان. بۇل - الدىن الا بەلگىلەنگەن ۇشۋ كەستەسىنىڭ 27 پروسەنتى.
اۋە كومپانياسى بۇل شەشىمىن قولايسىز اۋا رايىنا وراي ۇشاقتار قوزعالىسىن باسقارۋدا تۋىنداعان قيىندىقتارمەن بايلانىستىردى.
دەگەنمەن، كەيبىر اقپارات قۇرالدارى رەيستەردى توقتاتۋعا اۋە كومپانياسىندا مامانداردىڭ جەتىسپەۋشىلىگىنەن بولۋى مۇمكىن دەپ جازدى.
بۇنىڭ الدىندا «ساۋتۋەست ەيرلاينس» (( Southwest Airlines)) ۇشقىشتارى ۆاكسينالاۋدى مىندەتتەۋگە سوت شەشىمىمەن تىيىم سالۋدى وتىنگەن بولاتىن.