اقش-تا ەسىرتكىدەن كوز جۇمعاندار سانى ارتتى
اقش-تا ءبىر جىلدىڭ ىشىندە 100 مىڭنان استام ادام ەسىرتكىنى شامادان تىس قابىلداعاننان كوز جۇمدى. دەپ حابارلايدى almaty-akshamy.kz
ەلدىڭ دەنساۋلىق ساقتاۋ قىزمەتىنىڭ ماماندارى مۇنداي كورسەتكىش بۇرىن سوڭدى بولماعانىن ايتادى. وسىلايشا دوزانى ۇلعايتقاننىڭ كەسىرىنەن تىركەلگەن ءولىم-جىتىم كورسەتكىشى سوڭعى 20 جىلدان بەرى كۇرت ارتىپ كەتكەن.
ستاتيستيكا بويىنشا ەسىرتكىنى شامادان تىس قولدانىپ وپات بولعانداردىڭ سانى جول اپاتتارىنان، سۋىق قارۋدان نەمەسە تۇماۋ مەن پنيەۆمانيا اۋرۋىنان قازا تاپقانداردىڭ سانىنان دا اسىپ جىعىلادى.
مارقۇمداردىڭ كوبى وپيويدتى ەسىرتكىدەن ۋلانىپ جاتىر. مامانداردىڭ ايتۋىنشا، سوڭعى كەزدەرى ەسىرتكى ساۋداسىمەن اينالىساتىندار فەنتانيل پرەپاراتىن ءتۇرلى ەسىرتكىلەرمەن نەمەسە دارىلەرمەن ارالاستىرادى. سالدارىنان ۋلانۋ فاكتىلەرى ءجيى تىركەلۋدە.