2020 جىلى «SportFEST Kazakhstan» كومانداسى ەلىمىزدىڭ اتىراۋ جانە جامبىل وبلىستارىندا بولىپ، ولار ءوزارا جەڭىمپازداردى انىقتادى. ەندى جەڭىمپاز كوماندالار فينالدىق ويىنداردى كۇتىپ ءجۇر.

الداعى ۋاقىتتا جارىستار رەسپۋبليكا بويىنشا 15 قالادا وتەدى دەپ جوسپارلانعان. 23 قاراشادا اقتوبە وبلىسىنىڭ 8-10 سىنىپ وقۋشىلارى «ەڭ سپورتتىق» اتاعىنا تالاسادى. «SportFEST Kazakhstan» سپارتاكياداسىنىڭ ىرىكتەۋ كەزەڭىنە رەسپۋبليكانىڭ 14 وبلىسىنان 210 اۋدان قاتىسادى.

ەستەرىڭىزگە سالا كەتەيىك، وليمپيادالىق سپورت تۇرلەرىنىڭ قاتارىندا شاحمات، ۇستەل تەننيسى، قىزدار اراسىندا باسكەتبول، ۇلدار اراسىندا فۋتزال، اسكەري قولدانبالى سپورت، توعىزقۇمالاق ويىن تۇرلەرى بار.

سپارتاكيادا ەكى ىرىكتەۋ كەزەڭىنەن تۇرادى. الدىمەن بارلىق وبلىستاردا جانە نۇر-سۇلتان، الماتى، شىمكەنت قالالارىندا ايماقتىق جارىستار وتەدى. بۇل كەزەڭدە اۋداندىق، وبلىستىق ماڭىزى بار قالا كوماندالارى ءوزارا جارىسادى. 1-كەزەڭنىڭ جەڭىمپازدارى اتى اڭىزعا اينالعان «بالداۋرەن» (بۋراباي) لاگەرىندە وتەتىن 2-كەزەڭدە ءوز ايماعى نەمەسە قالاسىنىڭ اتىنان سىنعا تۇسەدى.