بۇل تۋرالى يمميگراسيا جانە كەدەندىك باقىلاۋ قىزمەتىنىڭ (ICE) 2024 جىلعى قاراشاداعى ەسەبىندە ايتىلعان.
بارلىعى ءارتۇرلى مەملەكەتتەردەن 1 445 549 شەتەلدىكتى دەپورتاسيالاۋ جوسپارلانۋدا. بۇل تىزىمدە مەكسيكا (252 044)، گۆاتەمالا (253 413)، گوندۋراس (261 651) جانە سالۆادور (203 822) ازاماتتارى كوش باستاپ تۇر، دەپ حابارلايدى aqshamnews.kz.
سونداي-اق، تىزىمدە جۇڭگو (37 908) جانە ورتالىق ازيا ەلدەرىنىڭ وكىلدەرى بار: وزبەكستان (975)، قىرعىزستان (319)، تاجىكستان (149)، تۇرىكمەنستان (40). ءقازىر بۇل ادامداردىڭ بارلىعىنا قاتىستى تۇپكىلىكتى شەشىم شىعارىلدى.
ەسەپتە بۇگىنگى تاڭدا جوق ەلدەر - كسرو مەن يۋگوسلاۆيا تۋرالى دا بار. وسى مەملەكەتتەردىڭ ءتولقۇجاتتارى بار ازاماتتار ءوز اۋماقتارىن الىپ جاتقان ەلدەرگە جەر اۋدارىلادى. بۇعان دەيىن امەريكا قۇراما شتاتتارىنىڭ بيلىگى زاڭسىز ميگرانتتارعا ەلدەن ءوز ەركىمەن كەتۋدى ۇسىنعان بولاتىن. كوشى-قون ساياساتىن قاتاڭداتۋ تۋرالى قازاقستان ەلشىلىگى دە ەسكەرتتى.