جاڭا قارۋدى قازان ايىنان باستاپ ساتا باستايدى
اقش-تا ادامنىڭ بەت-الپەتىن انىقتايتىن تەحنولوگياسى بار "اقىلدى" قارۋ جاساپ شىعارىلدى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
بىرەگەي قارۋ ونى يەسىنەن باسقا بوتەن بىرەۋلەر مەن بالالاردىڭ قولدانۋىن بولدىرماس ءۇشىن ويلاپ تابىلعان. ونى ادامنىڭ بەت-الپەتىن تانيتىن مەحانيزممەن بىرگە ساۋساق ءىزىن انىقتايتىن تەتىكپەن دە ىسكە قوسۋعا بولادى. جاڭا قارۋدى قازان ايىنان باستاپ ساتا باستايدى.
«ادامدار قارۋ ساتىپ العاندا، ونى ۇيىنە اكەلۋدىڭ ۇلكەن جاۋاپكەرشىلىك ەكەنىن جاقسى تۇسىنەدى. ءبىراق وزىنە ءقاۋىپ تونە قالسا، تەز قولدانۋعا مۇمكىندىگى بولعانىن قالايدى. سوندىقتان قارۋدى سەيفتە ساقتاۋ ءتيىمسىز بولىپ جاتادى. ءبىز وسىنداي سەبەپتەن مىناداي قارۋ جاساپ شىعاردىق»، - دەيدى Biofire Technologies كومپانياسىنىڭ باس ديزاينەرى برايان رودجەرس.