الماتى وبلىسىنىڭ سىبايلاس جەمقورلىققا قارسى قىزمەتىنە ەكى جىل بويى جەر ۋچاسكەسىنە مەملەكەتتىك اكتىنى الا الماي جۇرگەن كاسىپكەر جۇگىندى، دەپ حابارلايدى Almaty-akshamy.kz.
قۇجاتتى الا الماۋدىڭ سەبەبى كەڭەس زامانىندا بەرىلگەن قۇجاتتاردى (قازكسر حالىق دەپۋتاتتارى كەڭەسى اتقارۋ كوميتەتىنىڭ شەشىمدەرى مەن حاتتاماسى جانە قازكسر جەر ۋچاسكەسىنە مەملەكەتتىك اكتىنىڭ بولماۋى) تالاپ ەتۋ بولدى.
وسىعان ۇقساس سەبەپپەن «ازاماتتارعا ارنالعان ۇكىمەت» كەاق فيليالىنىڭ تىركەۋ جانە جەر كاداسترى جونىندەگى ءبولىمى ۇزاق ۋاقىت بويى جەر ۋچاسكەسىنە مەملەكەتتىك اكتىنى بەرۋدەن باس تارتقان.
الماتى وبلىسىنىڭ سىبايلاس جەمقورلىققا قارسى قىزمەتى جەر كاداسترى فيليالىندا ۋاكىلەتتى ورگاندارمەن كوشپەلى كەڭەس وتكىزدى.
«ناتيجەسىندە، تالاپ ەتىلگەن قۇجاتتار مەملەكەتتىك اكتىنى دايىنداۋ ءۇشىن نەگىز بولىپ تابىلمايتىنى بەلگىلى بولدى. كاسىپكەرگە دەرەكتەر بازاسىنىڭ مۇراعاتتىق جازباسى نەگىزىندە جەر ۋچاسكەسىنە مەملەكەتتىك اكت دايىندالدى. كاسىپكەردىڭ قۇقىقتارى قورعالدى» ،- دەلىنگەن سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى باسپا ءسوز قىزمەتىنىڭ حابارلاماسىندا.