ىشكى نارىقتى وتاندىق ونىممەن تولتىرۋ
ۇكىمەتتە ق ر پرەمەر-مينيسترى ءاليحان سمايىلوۆتىڭ توراعالىعىمەن وتكەن كەڭەستە مەملەكەت باسشىسىنىڭ 19 ساۋىردەگى ەلىمىزدىڭ الەۋمەتتىك-ەكونوميكالىق دامۋ ماسەلەلەرى جونىندە كەڭەيتىلگەن كەڭەستە بەرگەن تاپسىرمالارىن جۇزەگە اسىرۋ شارالارى قارالدى، دەپ حابارلايدى Almaty-akshamy.kz ۇكىمەت سايتىنا سىلتەمە جاساپ.
ۇلتتىق ەكونوميكا ءمينيسترى الىبەك قۋانتىروۆ ءجىو ءوسىمىن 6% دەڭگەيىندە قامتاماسىز ەتۋ ماقساتىندا ەكونوميكا سالالارىندا ءوسۋدىڭ قوسىمشا كوزدەرى پىسىقتالاتىنىن باياندادى. اتاپ ايتقاندا، تاۋ-كەن ءوندىرۋ سەكتورىن دامىتۋعا، ونىڭ ىشىندە ءىرى مۇناي-گاز جوبالارىن، وڭدەۋ ونەركاسىبىن، اوك، شوب جانە قىزمەت كورسەتۋ سەكتورىن جانداندىرۋعا باسا نازار اۋدارىلاتىن بولادى.
ماكروەكونوميكالىق ساياساتتىڭ تەڭگەرىمدىلىگىن جاقسارتۋ ماقساتىندا بيۋدجەت تاپشىلىعىن ازايتۋ، مەملەكەتتىك قارىزدى تۇراقتاندىرۋ جانە ۇلتتىق قوردان تۇسەتىن ترانسفەرتتەردى قىسقارتۋ بويىنشا شارالار قابىلدانادى. بيۋدجەتتىڭ تەڭگەرىمدىلىگى مۇنايعا قاتىستى ەمەس تۇسىمدەردى ۇلعايتۋ ەسەبىنەن، ونىڭ ىشىندە ءتيىمسىز سالىقتىق جەڭىلدىكتەردى الىپ تاستاۋ ەسەبىنەن قامتاماسىز ەتىلەدى.
ينفلياسيانى تومەندەتۋ ماقساتىندا ۇلتتىق بانكپەن بىرلەسىپ وزەكتەندىرىلگەن ءتيىستى كەشەندى جوسپاردى ىسكە اسىرۋ جالعاسادى. ىشكى نارىقتى وتاندىق ونىممەن تولتىرۋ ارقىلى ازىق-تۇلىك ونىمدەرىنىڭ باعاسىن تۇراقتاندىرۋعا باستى نازار اۋدارىلاتىن بولادى.
جاڭا سالىق كودەكسى شەڭبەرىندە قوسىلعان قۇنى جوعارى ءونىم وندىرۋگە ينۆەستيسيالار تارتۋعا جانە تەحنولوگيالىق ەكسپورتتى ىنتالاندىرۋ ءۇشىن سالىق جەڭىلدىكتەرىن قايتا باعدارلاۋ، سونداي-اق جۇمىس ورىندارىن اشۋ، قايتا وڭدەۋ نىساندارىن سالۋ، الەۋمەتتىك مىندەتتەمەلەردى ورىنداۋ ەسەبىنەن قاتتى پايدالى قازبالاردى ءوندىرۋ بويىنشا رەنتابەلدىلىگى تومەن جاڭا جوبالارعا سالىق جۇكتەمەسىن ازايتۋ ماسەلەلەرى پىسىقتالۋدا.