اۋعانستاننان 120 مىڭنان استام ادام ەۆاكۋاسيالانعان. بۇل تۋرالى اقش-تىڭ مەملەكەتتىك حاتشىسىنىڭ ءبىرىنشى ورىنباسارى ۆەندي شەرمان مالىمدەدى، دەپ حابارلايدى Almaty-akshamy.kz Baq.kz-كە سىلتەمە جاساپ.
ءبىزدىڭ وداقتاستار مەن سەرىكتەستەر اۋعانستاننان 120 مىڭنان استام امەريكاندىقتاردى، شەتەلدىك ازاماتتاردى جانە اۋعاندىقتاردى تاسىمالداۋدى ۇيىمداستىرۋعا كومەكتەستى، – دەپ جازدى شەرمان ءوزىنىڭ Twitter -دەگى پاراقشاسىندا.
بۇعان دەيىن مەملەكەتتىك دەپارتامەنت امەريكا قۇراما شتاتتارى «تاليبان» راديكالدى قوزعالىسىمەن (قازاقستاندا تىيىم سالىنعان) ءبىرقاتار ماسەلەلەر بويىنشا ىنتىماقتاستىقتا بولعانىن، بۇل ءوزارا ارەكەتتەستىكتى جالعاستىرۋعا بولاتىنىن حابارلاعان.