كوروناۆيرۋستان كىسى ءولىمى ءورشىپ تۇر
اقش-تىڭ ۆاشينگتون شتاتىنداعى كەي وڭىرلەردە ءمايىتحانادا ورىن جوق. ماماندار «كوروناۆيرۋستان كوز جۇمعانداردى جاتقىزاتىن جەر تاپپاي جاتىرمىز» دەپ دابىل قاعىپ وتىر، دەپ حابارلايدى Almaty-akshamy.kz
ماسەلەن، كاۋليس ءوڭىرىنىڭ بيلىگى وسى احۋالعا قاتىستى توتەنشە جاعداي جاريالاۋدى سۇرادى. مۇندا ءقازىر جاڭا ءمايىتحانا سالىنىپ جاتىر. ءبىراق قۇرىلىس جۇمىستارىنىڭ اياقتالۋىنا ءالى ءبىر ايداي ۋاقىت قاجەت. سوندىقتان ايماققا توڭازىتقىش كامەراسى بار جۇك كولىكتەرى جىبەرىلەتىن بولدى. مايىتتەر ەندى سول جەردە ساقتالادى.
ەسكە سالايىق، بىلتىر نيۋ-يورك قالاسىندا مايىتتەردىڭ كوپتىگىنە بايلانىستى اۋرۋحانا جانىندا توڭازىتقىش كامەرالارى بار جۇك كولىكتەرى ورنالاستىرىلعان. وتكەن جىلى كوكتەمدە شاھار كوروناۆيرۋس وشاعىنا اينالعان ەدى. دۇنيەجۇزىلىك دەنساۋلىق ساقتاۋ ۇيىمىنىڭ وكىلدەرى كەيىنگى ۋاقىتتا سولتۇستىك جانە وڭتۇستىك امەريكادا ۆيرۋس جۇقتىرۋ جانە كىسى ءولىمى دەرەكتەرىنىڭ قايتادان ارتىپ بارا جاتقانىن حابارلادى. وسى رەتتە اقش-تا جاڭا شەكتەۋ شارالارى ەنگىزىلەدى دەپ جوسپارلانعان.