شەكتەۋلەر جاڭادان الىنعان جانە تازارتىلعان التىنعا قولدانىلادى
اقش، كانادا، ۇلىبريتانيا جانە جاپونيا رەسەيدەن كەلەتىن التىن يمپورتىنا تىيىم سالادى، دەپ حابارلايدى Almaty-akshamy.kz Zakon.kz-كە سىلتەمە جاساپ.
بۇل تۋرالى ۇلىبريتانيا پرەمەر-مينيسترىنىڭ كەڭسەسىندەگىلەر حابارلادى، دەپ جازادى Independent.
G7 مۇشە ەلدەرىنىڭ ويلاستىرۋى بويىنشا رەسەي التىنىنا تىيىم سالۋ "رەسەي ەكونوميكاسىنا زيان كەلتىرۋدىڭ سوڭعى كەزەڭىنە تاپ كەلەدى".
«ەندى رەسەيلىك التىندى ۇلىبريتانياعا، كاناداعا، اقش-قا، جاپونياعا ەكسپورتتاۋعا بۇگىن باستالاتىن جەتىلىك (G7) توبىنىڭ سامميتىندە جاريالاناتىن جاڭا قاتاڭ شارالاردىڭ ارقاسىندا رۇقسات ەتىلمەيدى»، - دەدى داۋنينگ-ستريتتەگىلەر بوريس دجونسوننىڭ "جەتىلىكتەگى" ارىپتەستەرىنە وسىعان ۇقساس شارالاردى ەنگىزۋگە شاقىراتىنىن اتاپ ءوتىپ.
الداعى اپتادا رەسەي فەدەراسياسىنان التىن يمپورتىنا تىيىم سالۋ تۋرالى زاڭ پارلامەنتكە ەنگىزىلەدى دەپ كۇتىلەدى. شەكتەۋلەر جاڭادان الىنعان جانە تازارتىلعان التىنعا قولدانىلادى.