قىتايدا قازاقستان مادەني ورتالىعى اشىلادى. ءوز كەزەگىندە قازاقستاندا دا قىتايدىڭ وسىنداي ورتالىعى قىزمەت كورسەتەتىن بولادى. مۇنداي كەلىسىم بەيجىڭدە قازاقستان ەلشىسى شاحرات نۇرىشيەۆتىڭ قحر مادەنيەت جانە تۋريزم ءمينيسترى حۋ حەپينمەن كەزدەسۋىندە قول جەتكىزىلدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
كەزدەسۋدە تاراپتار مادەني-گۋمانيتاريا سالاسىنداعى بايلانىستى ودان ءارى نىعايتۋ جانە ءتۋريزمدى دامىتۋ ماسەلەلەرىن تالقىلادى.
ش.نۇرىشيەۆ جاقىن ۋاقىتتا تۇراقتى اۆيارەيستەر قايتا ۇشا باستايتىنىن جانە ونىمەن ادامدار بايلانىسىنىڭ بەلسەندى بولا تۇسەتىنىن ەسكەرىپ، ەكىجاقتى ديالوگتى جانداندىرۋدىڭ قاجەتتىگىنە نازار اۋداردى.
قازاقستان ەلشىسى قازاقستاندا جانە قىتايدا ءوزارا مادەني ورتالىقتاردى قۇرۋ بۇل باعىتتاعى ەكىجاقتى قاتىناستىڭ دامۋىنا سەرپىن بەرەتىنىن اتاپ ءوتتى.
سونىمەن قاتار ديپلومات جۇڭگو ءمينيسترىن قازاقستاننىڭ تۋريستىك مۇمكىندىكتەرى جانە ق ر ۇكىمەتىنىڭ تۋريزم سالاسىن دامىتۋدىڭ 2025 جىلعا دەيىنگى مەملەكەتتىك باعدارلاماسىن جۇزەگە اسىرۋ بويىنشا شارالارىمەن تانىستىردى.
بۇدان بولەك ەلشى قازاقستاننىڭ قحر ازاماتتارىنا 14 كۇنگە دەيىن ۆيزاسىز ءجۇرۋ مۇمكىندىگىن بەرۋ جوسپارىن ەسكەرىپ، ق ر ازاماتتارى ءۇشىن دە ۇقساس جاعداي جاساۋ ماسەلەسىن كوتەردى.
ءوز كەزەگىندە حۋ حەپين قازاقستان مەن جۇڭگو اراسىنداعى مادەنيەت جانە تۋريزم سالاسىنداعى ىنتىماقتاستىقتىڭ زور كەلەشەگى بار ەكەنىن ەرەكشە اتاپ ءوتتى. ول جىل سوڭىندا جوسپارلانعان قازاقستان-قىتاي ىنتىماقتاستىعى جونىندەگى كوميتەتىنىڭ مادەني-گۋمانيتارلىق ىنتىماقتاستىق جونىندەگى كىشى كوميتەتىنىڭ 15ء-شى وتىرىسى ەكى ەل اراسىنداعى مادەني-گۋمانيتاريا باعىتىنداعى بايلانىستاردى نىعايتۋدا ماڭىزدى ءرول اتقاراتىنىنا سەنىم ءبىلدىردى.
سونىمەن بىرگە قحر مادەنيەت جانە تۋريزم ءمينيسترى قازاقستان ۇكىمەتىنىڭ ەلدىڭ تۋريستىك الەۋەتىن دامىتۋ بويىنشا قابىلداپ جاتقان شارالارىن جوعارى باعالادى، سونداي-اق قىتايلىق تاراپتىڭ مادەنيەت ورتالىقتارىن ءوزارا قۇرۋعا دايىن ەكەنىن ءبىلدىردى.